هەلبژارتنێن سووریا دناڤبەرا دانپێنەدانا نیڤدەولەتی و سووربوونا رژێمێدا
__2020_07_22_h15m57s35__ER.jpg)
رۆژئاڤایێ کوردستانێ- KDP.infp- ل ١٩ــی هەیڤا ٧ هەلبژارتنێن جڤاتا گەل سووریا یێن کوو ب "پەرلەمانی" دئینە ب ناڤ کرن دناڤ کۆمەکا ئاستەنگییان بڕیڤەچۆن.
هەلبژارتنان کارڤەدانێن نیڤدەولەتی و ناڤخۆیی ل دوویڤ خۆ هێلان، ژبەرکوو ئەو هەلبژاردن بووینە جهێ" گومان"ــێ ب دیتنا جاڤدێر و سیاسەتمەداران و ئۆپۆزسیۆنا سووری ژی ب "نەشەرعی" وەسفکرن.
د هەلبژارتنان دا زیدەتر ژ ٧٤٠٠ سندۆق و ١٦٥٨ بەربژێر هەبوون، ژوانا ژی "بزنسمان" و کەسانێن ب ناڤ " سەربەخۆ " ژی هەبوون کو هەڤرکی ل سەر ب دەستڤەئینانا کورسیێن پەرلەمانی دکەن.
ب گۆرەی رەوانگەها سووریا بۆ مافێ مرۆڤان، هەلبژارتنێن ڤێ جارێ "جیاواز" بوون، چونکی رژیما سووریا ٧٠% ئاخا سووری ددەستیدایە ژبەرکو پێشڤەچوونێن مەزنێن لەشکەریی کرینە دڤێ دوماهیکێدا ب پاڵپشتییا رووسیا و رووبەرێ خۆ بەرفرەهترکریە ل رۆژهەڵاتێ غۆتاو باشوورێ ئیدلبێ.
بشار ئەسەد سەرۆکی سووریا و هەڤژینا خۆ "ئەسمائـ" د سپێدەهییا ئێکشەمبوویێدا ل ناڤەندا کاروبارێن سەرۆکایەتیێ دناڤ رێکارێن تەندروستیدا دەنگێ خۆدان.
د هەلبژارتناندا هەردەم "لیستا ئیکگرتنا نیشتیمانی" کو ژ حزبا بەعسا دەستهەڵاتدار و هەڤپەیمانێن وێ پێک دهێت سەرکەفتنێ بدەستڤەدئینن.
هەلبژاتن د «نە ئامادەبوونێ» دا
ئەوا رژیما سووری گرنگی نەدایی ئەوبوو کوو چارێکەک ژ خەلکێ سووریا ئاوارەیی و پەنابەری وەڵاتان بووییە، و زێدەتر ژ ٣٨٠ هەزار کەسی هاتییە کوشتن و ب هەزاران کەس چارەنڤیسیێ وان نەدیارە.
هیچ سندۆقەک ژ دەرڤەی سووریا نەهاتبوو دانان ئەڤ یەکە ژی بووە جهێ دلگرانی و گومانا شەرعیەتی دڤان هەلبژارتنان دا.
ئەنجامدانا هەلبژارتنان خۆ دەرئیخستنەکە شەرعییا رژێمی بوو ل پێش چاڤێن جیهانێ، ژبۆ کوو ڕەوایەتیێ ب دەستهەلادارییا خۆ بدەت. دڤی بیاڤیدا سیامەند حاجۆ، سیاسەتمەدارێ دیاری کورد دبێژیت، دناڤ کۆمەکا غیابا خەلکێ سووریدا هیچ رەواییەتییەک بۆ ڤان هەلبژارتنان نینە.
ناڤهاتی بۆ ماڵپەرێ فەرمیێ پارتی دیموکراتی کوردستان ددەتە دیارکرن، کو چارێکەکە خەلکی ل دەرڤەی وەلاتی کۆچبەربووییە و ئەڤ هەلبژاردن، هەلبژارتنێن رژێما سەدامی دئیننە پێش چاڤێن مە کو هیچ شەرعیەتەک نینە.
ب گۆرەیی پێشهات و ئەنجامان پارتا بەعس دێ زۆرینەیا دەنگان ب دەستڤە ئینت و زۆرینەیا کورسیێن پەرلەمانی مسۆگەر کەت ئەوژی دبیتە ٢٥٠ کورسیێن پەرلەمانی کو ژ سالا ٢٠١١ــێ و هەتا نها سێ گەرێن هەلبژارتنان دهێنە کرن و پارتا دەستهەڵادار زۆرینەیێ ب دەستڤە دئینت.
ژبلی کوو وەڵات د کریزەکا ئابووری و سیاسی و لەشکەری و وێرانییا وەلاتییدا دبۆرییت، بەلێ داخویانی ژبۆمانا دەستهەڵاتا بەشاری دبەردەوامن، د هەیڤا بۆریدا وەلید موعەلم وەزیرێ دەرڤەیی حکومەتا سووریا یا سەر ب بشار ئەسەدڤە راگەهاند، ئەسەد دێ "مینت" دەستهەڵاتێ دا ئەڤ یەکە ژی خەلکێ سووریا دڤێت.
غیابا کوردی و هێزێن ئۆپۆزسیۆنێ
کوردان ب ئەنەکەسێ و پەیەدێ ڤە پشكداریی دڤان هەلبژارتنان دا نەکر، بەلێ هندەک بەربژێرین کورد هەبوون ب سەربەخۆ پشکداری کرن.
ب گۆرەیی پێزانینێن ماڵپەرێ فەرمیێ پارتی، هندەک سندۆق هاتبوونە دانان ل قامشلۆ و حەسەکێ ل وان جهێن رژێم لێ بالا دەستە.
سیامەند حاجۆ دا دیارکرن، کوردان پێکڤە غیاب کر، چونکی دزانین هیچ شەرعییەتەک د هەلبژارتناندا نینە و ب دیتبا کوردان ئەڤە هەلبژارتنێن شکلی بوون.
د دەربارەی غیابا هێزێن ئۆپۆزسیۆنی دا گۆتژی" ئۆپۆزسیۆن زۆربەیا هەرە زۆر ل دەرڤەنە وەک شەرعییەت نەدان ب ئەسەدی غیابەکا تەمام کرن.
ددرەبارەیی هەمان هەلبژارتن سەرۆکی ئیتلافا نشتیمانی نەسر حەریری گۆت:" ئەڤان هەلبژارتنا هیچ شەرعیەتەک نینە، چونکی رژیما ئەسەدی شەرعیەتا خۆ ژناڤبریە ژ رۆژا ئیکەم دلۆپا خوینا سووریا رژیایی د شۆرەشێدا.
سەرۆکێ حکومەتا دەمکی یا سوری کو یە پشت بەستی ب ئۆپۆزسیۆنێ، عەبدلرەحمان موستەفا هەلبژارتنێن سوریا ب " شانۆیەکە مەهزەلەیی" وەسفکرن.
هەلبژارین د نەرینا ئەمریکا و رووسیادا
بالیۆزخانا ئەمریکا ل دیمەشقێ ئەو هەلبژارتن ب " گومان" وەسفکر و راگەهاند ژی دەنگدانێ ئازادی نەبوو و خەلکێ هیچ هەلبژاردنەکا فعلی نەبوو.
حاجۆی گۆتژی:" بۆ رووسیا هەلبژاردن نە دگرنگن چونکی ئەو بخۆ پشتەڤانیا رژیمی دکەت، و ئۆپۆزسیۆن و ئەمریکا ل گەل وێ یەکێ نە کو هەلبژاردن پشتی دانانا دەستوورەکێ و راوەستاندنا شەری بهینە ئەنجامدان.
بریاربوو هەلبژارتن د هەیڤا نیسانا بۆری دا هاتبانە کرن، بەلێ ژبەر هەبوونا کۆرۆنا هاتبوونە پاشئێخستن.
کاروان باعەدری
