شێخ سەیفوڵلا ئەنساری کوچا داویێ کر
باکووری کوردستان-KDP.info- شێخ سەیفوڵلایێ ئەنساری داوی جێنشینێ شێخ قەدری جزیری ل رۆژا دووشەمبوویێ ل ۱۳ـی تەممووزێ ل باژێرێ دیاربەکر ئەمرێ خودێ کر، و ل هەرێما گربەلکێ ل رۆژئاڤایێ دیاربەکرێ ب ئاخێ هاتە سپاردن.
شێخ سەیفووڵلا ئەنساریی، ل ساڵا ١٩٣٠ ــێ چاڤێ خۆ ل دنیایێ ڤەدکەت، ل ١٦ ساڵیێ دبیتە خەلیفە، ناڤبری خودێناس و خودان پێگەهەکێ دیارێ کوردێ باکوورێ کوردستانێ و ل تورکیا خودان تەریقەتەکا ئۆلی بوو، خودانێ ٣ێ کوڕ و ٦ کچا بوو.
شێخ سەیفووڵلا زمانێ فارسی، عەرەبی و تورکی و ل گەل زمانێ دایکێ کوردی یا زازاکی "دوملی" دزانی، خودانێ هزاران مورید و موحاسبان بوو، د ڕێکا تەسەوف و سۆفیگەریێدا ژ نموونەیێن بەرچاڤێن جیهانا سۆفیێ بوو.
هاشم هاشمی، کەسەکێ نێزیکی شێخ سەیفووڵلایە د دەربارەی مرنا وی بۆ ماڵپەرێ فەرمیی یێ پارتی دیموکراتی کوردستان دبێژیت، شێخ سەیفووڵلا دلگرێ مەزلوومانبوو و ئیسلاما حەقیقی دمەشاند، دلگرێن وی ل زۆربەیا هەرێما هەبوون، و خودان رەوشتەک پاک و بلندبوو دهێلا مەعنەوی و حەقیێدا.
ئەو دجیهانا ئیسلامییا حەقیقیدا ژ پێشەنگان بوو، دژی زاڵمان و هەڤکار وهەڤالبەندێ مەزلوومان بوو، ل سەر ڤێ هیلێ ژیان دمەشاند، ل سەر هێلا راستا مەولانا خالد شەهرەزوری بوو. هاشمی وەسا گۆت.
شێخ سەیفوڵلا خەلیفێ سەید قەدری جزیرییە و سەید قەدرێ جزیری ژی، خەلیفێ شێخ عەلی حوسامەدینێ عوسمانێ تەویڵی بوو، حەقی و راستبێژی و تەسەوفا دروست و خودێناسی قادا دروستا ڤان کەسان بوو..هاشمی ل داویێ وەسا گۆت.
کاروان باعەدری
