ئۆسۆ: ئەمریکا پشتەڤانیا خۆ بەرامبەر هەلویستێ ئەنەکەسێ دیارکر
رۆژئاڤایێ کوردستانێ -KDP.info- سەرکردەیەکی دیارێ کورد د ئەنجوومەنا نشتیمانی یا کورد ل سورییا دا ڕاگەهاند، ئەمریکا پێنگاڤێن ئەنەکەسێ ب گرنگ زانین و ئەوان پشتەڤانیا خۆ بۆ مە دیارکرن.
دوهی(١٠/٢/٢٠٢٠ )ـێ ئەنجوومەنا نشتیمانی کورد ل سوریا(ئەنەکەسێ) ل گەل شاندەکی بلندێ ئەمریکی کو پێکهاتبوون ژ ویلیام رۆباک هنارتیێ ویلایەتێن نەتەوەیێن ئیکگرتی ژبۆ ''باکوورێ رۆژهەلات'' سووریا و زەهرا بێڵی نوینەرا وەزارەتا دەرڤەیا ئەمریکا ل حەسەکێ کۆمبوون. سلێمان ئۆسۆ، ژبۆ ماڵپەڕێ فەرمیی یێ پاری دیموکراتی کوردستان گۆت:'' ئەوان ل گەل ئەمریکیان پتر ژ مژارەکی دانووستاندن کرن، ئەوان هەلویستا خۆ دیارکرن و ڕاگەهاندن کو ئەو پشتگیریا ئێکرێزیا دناڤبەرا ئەنەکەسێ و قەسەدێ دا دیارکرن. ناڤهاتی گۆتژی:'' ئەمریکیان پشتەڤانیا خۆ بۆ ئەنەکەسێ دیارکردن ژبۆ ڤەکرنا ئۆفیسێن خۆ ل رۆژئاڤایێ کوردستانێ ب پێنگاڤەک باش ل قەلەمدان ژبۆ کو ئێکرێزیا کوردان پتر ب‌ێتە پاراستن.
ئەڤی سەرکردەیێ ئەنەکەسێ گۆتژی:'' مە ژ ئەمریکیان خواست کو ئەو پتر فشاران بکەن داکوو ئاوارەیێن سەرێ کانیێ و گرێ سپی و عەفرینێ ڤەگەرنە سەر مال و حالێن خۆ.
کــاروان بــــاعەدری
