پەیامی پیرۆزبایی مەكتەبی سیاسی بە بۆنەی جەژنی لەدایكبوونی حەزرەتی محەمەد (د.خ)
هەولێر-KDP.info- پەیامی پیرۆزبایی مەكتەبی سیاسی بە بۆنەی جەژنی لەدایكبوونی حەزرەتی محەمەد (د.خ) بە بۆنەی هاتنەوەی جەژنی لەدایكبوونی پێغەمبەری ئیسلام حەزرەتی (محەمەد) دروودی خوای لەسەر بێت، گەرمترین پیرۆزبایی لە سەرجەم موسڵمانانی كوردستان و عێراق و جیهان دەكەین، ئومێدەوارین ئەو بۆنە پیرۆزە هەوێنی خێر و خۆشی و ئارامی بێ و زیاتر گیانی برایەتی و لێبووردەیی و تەبایی بچەسپێ و گەلەكەمان بە هەموو پێكهاتەكانیەوە لە دەردەسەری و ناخۆشی بەدوور بێ.
لەو دەرفەتەدا جەخت دەكەینەوە سەر پەیامی ئاشتەوایی كۆمەڵایەتی و هەماهەنگی و پتەوكردنی رۆحی هاوبەشی بەیەكەوەژیان و دابینكردنی زەوینەی لەباری خۆشگوزەرانی و ئاسوودەیی و رەتكردنەوە و نەهێشتنی نەریتی نەویستراوی دووبەرەكی و توندڕۆیی و شەڕانگێزی.
جارێكی دیكە یادی لەدایكبوونی حەزرەتی (محەمەد) دروودی خوای لەسەر بێت، لە گشت موسڵمانان پیرۆز بێت.
مەكتەبی سیاسیی پارتی دیموكراتی كوردستان
٩ی١١ی٢٠١٩
