عەلی بەندی: ل دهۆکێ هەلبژارتن ب شێوەیەکی باش ب ڕیڤەدچن

 

دهۆک-KDP.info- ڕیڤەبەرێ فەرمانگەها گشتی یا کۆمسیۆنا هەلبژارتن و ڕاپڕسیان ل پارێزگەها دهۆکێ دیارکر، هەتا ڤی دەمی ژی پرۆسەیا هەلبژارتنان ل پارێزگەها دهۆکێ ب شیوەیەکی باش ب ڕیڤە دچیت و هیچ ئاریشەیەک دروست نەبوویە.

عەلی بەندی، بۆ ماڵپەرێ فەرمیی یێ پارتی دیموکراتی کوردستان خویاکر، ل پاریزگەها دهۆک ب پرۆسەیا هەلبژارتنێ ب هەموو شێوەیەکی باش ب ڕیڤە دچیت، هەتا نها ژی هاریکارییەکا مەزن دناڤ بنگەهێن دەنگدانێ دا هەیەو خەلک ب شێوەیەکی ئارام و ئازاد دەنگێ خۆ ددەن.

سپێدەهیا ئەڤرۆ، ئێکشەمبیێ ٣٠ـی ٩ـی ٢٠١٨ـێ، دەنگدانا گشتی لە هەرێما کوردستانێ دەستپێکر، ب گۆره‌یى داتایێن كۆمسیۆنێ ل پارێزگه‌ها دهۆك 719 هزار و 375 كه‌سان مافێ ده‌نگدانێ هه‌یه‌ و ژ وان ژى 676 هزار و 860 كه‌سان د ده‌نگدانا گشتى و 42 هزار و 515 كه‌سان ژى د ده‌نگدانا تایبه‌ت دا مافێ پشكداریكرن د هه‌لبژارتنان دا هه‌یه‌.

ناڤهاتی خویا ژی کر، بتنێ ئەو  ئاریشا ل دەڤ خەلکێ هەی نە ئینانا بەلگەنامان بوو، و پیچەکێ بۆ خەلکێ بوو ئاریشە  بەلێ نها ئەو ئاریشە ژی کێم بوویەو ئەو ئاریشێن دی ژی ئاسانن بۆ نموونە لێگەریانا ناڤان یان ژی ڤەگوهاستنا ناڤان ژ قوتابخانەکێ بۆ قوتابخانەکا دی.''

ڕیڤەبەرێ فەرمانگەها گشتی یا کۆمسیۆنا هەلبژارتن و ڕاپڕسیان ل پارێزگەها دهۆکێ ئاماژە دا، بەرەڤ دەمژمێر ١٢ـی نیڤرۆ خەلک زێدەتر بەرەڤ سندۆقێن دەنگدانێ دچن و ددەمژمێرێن داهاتی ژی پێشبینی دهێتە کرن ڕیژەیا دەنگدانی بلندتر لێ بهێت.

 

کــاروان بــاعەدری