ل تەڤاهیا قەزاو ناحیێن دهۆکێ پرۆسەیا هەلبژاردنێ بەردەوامە

 

دهۆک-KDP.info-  ئەڤرۆ دەمژمێر ٨ـی سپێدی پرۆسەیا هەلبژارتنێن پەرلەمانێ کوردستانێ دەست پێکرو، ل تەڤاهیا باژار و باژارۆکێن کوردستانێ  ژی خەلک قەستا سندۆقێن دەنگدانێ دکەن. 

هەڤوەلاتیەک ب ناڤێ، بارزان سلێمان ل قەزا شیخان بۆ ماڵپەرێ فەرمیی یێ پارتی دیموکراتی کوردستان گۆت:'' ل قەزایا شیخانێ خەلک ب شێوەیەکی ئازادانە بەرەڤ سندۆقێن دەنگدانی دچن و وی بەربژێرێ هەلدبژێرن یێ کو وان باوەری پێ هەی.''

نەوزاد زادە، ل ئامێدیێ  بۆ ماڵپەری فەرمیی پارتی دیموکراتی کوردستان گوت:'' خەلک ب شێویەکی باش نها سەرەدانا بنگەهێن دەنگدانێ دکەن و ژبۆ کو دەنگێن خۆ بدەن و ل سەرانسەری وان نافچەیێن سەر ب ئامێدیێ ژی پرۆسە بەردەوامە.''

ل پارێزگەها دهۆکێ ٧١ بنگەهـ و ٤٦٠ وێستگەهــێن دەنگدانێ هەنە، ٦٧٧ هەزارا کەسان مافێ دەنگدانێ هەیە .

هەروەها ل زاخۆ ژی، هەڤوەلاتی جاسم سەبری ژی بۆ ماڵپەرێ فەرمیی یێ پارتی خویاکر، نها ب شیوەیەکی ئارام ل زاخۆ پرۆسەیا دەنگدانێ بڕیڤە دچیت و نها خەلک ژی بەرەڤ سندۆقێن دەنگدانێ دهێن.

٢ ملیۆن ٩١٤ هەزار کەسان مافێ دەنگدانا گشتی هەیە ل سەرانسەرێ کوردستانێ، ٢٩ قەوارەو لیست و هەڤڕکی ل سەر ١١١ کوڕسی یێن پەرلەمانی دکەن .

 

کـــاروان بـــاعەدری