دهۆک: ددەنگدان دەمژمێر 8 سپێدێ ل سنۆرێ پارێزگەها دهۆکێ دەستپێکر

 

دهۆک-KDP.info- دەنگدانا گشتی بۆ پەرلەمانێ کوردستانێ ل دەمژمێرى 8 سپێدێ ل سنۆرێ پارێزگەها دهۆکێ دەستپێکرو تا دەمژمێر شەشی ئێڤاری دێ بەردەوام بیت. 

ل 30-9-2018ێ، خەلکێ پارێزگەها دهۆکێ مافێ دەنگدانێ بۆ هەلبژارتنێن پەرلەمانێ کوردستانێ ددەنگدانا گشتیدا ل سەرجەم بنگەهێن دەنگدانێ ل دەمێژمیری 8 سپێدێ تا ٦ی ئیڤاری هەیە.

پێشتر سەلیم سیدەرى، جێگرێ رێڤەبەرێ گشتى یێ فەرمانگەها دهۆک یا هەلبژاتن و راپرسیا ل هەرێما کوردستانێ بۆ مالپەرێ فەرمیێ پارتی دیموکراتی کوردستان گۆت بوو:" ددەنگدانا گشتیدا، 257 بنگه‌هێن ده‌نگدانێ لسەرانسەری پارێزگەها دهۆکێ هاتینە ڤەکرن، ده‌نگده‌رێن گشتیێن پارێزگه‌ها دهۆکێ 677 هزار و 797 دەنگدەرن".

سیدەرى دیارکر ژی:" هەر دەنگدەرەک دڤێت جارەکێ بتنێ پێنوسێ حوبری ل خالا لایەنێ و ژمارا کاندیدی بدەت، ئەگەر پتر ژ جارەکێ حوبرێ پێنوسێ ل خانێ دا دبیت ئەو دەنگه ژناڤبچیت، دڤێت پاسەپورت یان باجا نیشتمانى یان ناسنامەیا عیراقى دگەلدا ناسنامەیا بارێ کەسایەتى وەک بەلگە دگەل دەنگدەرى بن".

حەمدى بەروارى، مونه‌سقێ تورا شەمس یا چاڤدێریا هەلبژارتنان بۆ مالپەرێ فەرمیێ پارتی دیموکراتی کوردستان ئاماژەدا:" ل سەرانسەری پارێزگەها دهۆکێ 32 رێکخراوێن نافخۆ و رێکخراوێن نیڤدەولەتی، کو ب 2600 چاڤدێرا دێ چاڤدێریا هەلبژارتنێن پەرلەمانێ کوردستانێ کەن ژبۆ باوەرپێکرى و شەفافیەتا هەلبژارتنان".

 

هەلز عەلی سەلیم