کرێکارێن دهۆکێ: پالپشتیا خۆ بۆ لیستا 183ێ دیارکر
دهۆک-KDP.info- کرێکارێن دهۆکێ گۆتن مە ژى ئاخفتنا خو هەیە و راگەهاندن، ئەرکە لسەر ملێن مە پشکداریێ د هەلبژارتنێن پەرلەمانێ کوردستانێ دا بکەین و رێژەیا دەنگێن پارتى بلند بکەین، داکۆ ئەڤ دەستکەفتێن ددەستێ مەدا مایین ژناڤنەچن، دەنگێ مە ژى بۆ لیستا 183دبیت.
ئەحمەد دوسکى، کرێکارەک ل دهۆکێ بۆ ماڵپەرێ فەرمیێ پارتى دیموکراتى کوردستان گۆت:" هەلبژارتنێن پەرلەمانێ کوردستانێ بۆ بهێزکرنا پێگەهێ کوردانە ل ناڤخو و لسەر ئاستێ جیهانێ ژى ژبۆ داکوکیکرن ژ مافێن رەوایێن مللەتێ کورد و هەمى کرێکاران، بێگۆمان پارتى دیموکراتى کوردستان هەر دەم ده‌ست پێشخەر بوویە بۆ پاراستنا هەمى ماف و دەستکەفتێن مللەتێ کورد و کوردستانێ، ژبەر هندێ دەنگێ من بۆ لیستا 183".
ئامینا ئەحمەد، کرێکارەکا دیتر بۆ ماڵپەرێ فەرمیێ پارتى دیموکراتى کوردستان بەحسکر، ئەرکە لسەر ملێن مە پشکدارى هەلبژارتنان بین و رێژەیا دەنگدانێ بلند بکەین داکو ئەڤ دەستکەفتێن ددەستێ مەدا مایین ژناڤنەچن، ئەز کرێکارم و شۆلا من نە سیاسەتە بەلێ مللەتێ من مەزنترە ژ هەمى تشتەکێ دیتر، دێ دەنگێ خۆ دەمە پارتى دیموکراتى کوردستان.
ئەحمەد هۆگر، گەنجەکێ کرێکار بۆ ماڵپەرێ فەرمیێ پارتى دیموکراتى کوردستان خۆیاکر:" من گەلەک هیڤى و ئۆمێد دژیانا خودا هەنە، بەلێ ژیانەکا بن دەستى ناهەلبژێرم داکو خوفرۆشەک مفادار بیت، ئەڤرۆ دڤێ ئارامى و ئێمناهیا ئەز تێدا کارێ خۆ ئەنجامددەم ڤەدگەریت بۆ وێ قوربانیا خەلکێ کوردستانێ ل ژێر سیبەرا پارتى داى، ژبەر هندێ دەنگێ من بۆ لیستا سەرۆک مەسعوود بارزانى یە، لیستا 183ێ".
خەتاب موسا، خودانێ دوکانەکێ بۆ ماڵپەرێ فەرمیێ پارتى دیموکراتى کوردستان زەلالکر:" گەلەک کێماسى لڤى وەلاتى هەنە، سەرارایى هندێ چ لایەنەکێ سیاسى ژ پارتى دیموکراتى کوردستان باشتر نەبووینە ژبۆ پاراستنا دەستکەفتێن مللەتێ کورد و بەرەڤانیکرن ژ کوردستانیان و دۆزا مللەتێ کورد و داکوکی كرن ل مافێن کرێکاران بکەت، ژبەر هندێ دەنگێ من بۆ لیستا 183ە".
هەلز عەلى سەلیم
