خەلکێ شێخان: دەنگێ مە بۆ لیستا ١٨٣ـێ یا پارتی یە

 

شێخان-KDP.info-  بەرەبەرە رۆژا دەنگدانێ نێزیک دبیت، خەلکێ شێخان ژی ب هەموو جۆران پشتەڤانیا لیستا ١٨٣ـی یا پارتی دکەن، و وەک خەلکێ ڤێ دەڤەرێ دبێژن، دەنگێ مە بۆ لیستا ١٨٣ـێ یا پارتیە چونکە گرنتیکەرا مافێ راست و دروست یا خەلکێ مەیە.

پارتی دیموکراتی کوردستان ل ژێر دروشمێ (ئاڤاکرنا کوردستانەکا ب هێز) و ب ژمارا ١٨٣ـێ پشکداری هەلبژارتنێن پەرلەمانێنتۆیا کوردستانێ کریە، کو بریارە ل ٣٠ داویا ڤێ مەهێ ب ڕیڤەبچن.

دڤی بیاڤی ژی دا، گەنجەک ب ناڤێ دیار حەجی، بۆ ماڵپەرێ فەرمیی یێ پارتی دیموکراتی کوردستان گۆت:'' ژبۆ کوردستانەکا بهێز و ئاڤەدان و پڕهەژمار و خودان ئابوور و بەرەڤانیەکا بهێز دەنگێ مە بۆ لیستا ١٨٣ـێ یە، چونکی تاکە لیستە پشتەڤانێ راست و دروسێ گەلێ مەیە.

ناڤهاتی گۆتژی: ''پارتی مل ب ملێ گەلێ مەیە، نە مینا هندەک لایەنان ژ بەرپرسیارەیەتیێ ڕەڤیە، بەلکو بوویە قەلغانەک بۆ مللەتێ خۆ و شەڕی داعشێ مەزنترین بەلگەیە.''

پارتی دیموکراتی کوردستان ب بەرنامەیەکی پڕ دەولەمەند هەیە بۆ ڤان هەلبژارتنان کو کۆمەکا لق و تایان ب خۆڤە دگریت کو پیدڤیێن هەموو بیاڤێن ژیانێ بخۆڤە دگریت.''

هەروەسان هەڤوەلاتی سەعد حسێن، ژی بۆ ماڵپەرێ فەرمیی یێ پارتی دیموکراتی کوردستان گۆت: ''پارتی خودان دیرۆکەکا پڕ شانازیە و هەردەم خۆ کریە قوربان ژ پێناڤ مللەتێ خۆ و سەرۆک و ئالیگرێن وێ د چەپەرێن شەڕی دا بووینە و بەڕەڤانی ژ شەرەف و کەرامەتا مللەتێ مە کرینە."

حسێنی خویاکر ژی، پارتی تاکە هێز بوو شیا داعشێ ژناڤ ببەت و نەهێلا داعش بگەهیتە نافچەیێن مە ژبۆ وێ یەکێ ژی ب دل و جان ژ بۆ پارتی دێ کارکەین کو ب سەرکەڤیت.

ژ ئالیەکی دی ڤە، هەڤوەلاتیەکی دی ب ناڤێ خەلەف شەرەفانی، بۆ ماڵپەرێ فەرمیی یێ پارتی دیموکراتی کوردستان دبێژیت: ''پارتی دیموکراتی کوردستان ژ هەموو لایەنەکی دیتر ڕیکێ ب پێکڤە ژیان و لهەڤنێزیکبوونا جڤاکی دکەت و هەردەم ل گەل وێ یەکێ بوویە یەکسانیا جڤاکی د کوردستانێ دا هەبیت و یاسایا سەروەرا هەموو بیاڤێن ژیانێ بیت."

ئەو یەکە ژی دیارکر، "مە دیت پارتی چاوا خۆ کرە قوربان بۆ گەل و وەڵاتێ خۆ ژبەرهندێ پارتی رۆژ بۆ رۆژێ ل د چاڤێن گەلێ مە دا بەرزتر لێ دهێت.''

شێخان هەرچەند نافچەیەکا کوردستانی یا دەرڤەی ئیدارەیا هەرێمێ یە بەلێ چەندین ناوچەیێن  ب سەرڤە سەر ب هەرێمی ڤەنە و ژمارەیەکا زۆر یا دەنگدەرا لە ڤێ نافچەیێ هەینە و پتریا وان دەنگان بۆ پارتینە.

کــاروان بــاعەدری