پێکهاتەیێن ئایینى دخوازن دەنگ ب لیستا 183ێ بدەن ژبۆ پاراستنا مافێن وان
دهۆک-KDP.info- پێکڤەژیان ل هەرێما کوردستانێ ب پیرۆزى دئێتە قەلەمدان و پێکهاتەیێن ئایینى ل دهۆکێ دخوازن خەلک دەنگ ب لیستا 183ێ بدەن، چونکى پارتى دیموکراتى کوردستان تاکە هیڤى و ئۆمێدا وانە ژبۆ پاراستنا پیرۆزى و مافێن رەوایێن هەمى پێکهاتەیان بێ جوداهى.
کاوە عیدو، چالاکڤان دکاروبارێن ئێزیدیاتیێ دا بۆ مالپەڕێ فەرمیێ پارتى دیموکراتى کوردستان گۆت:" پێکڤەژیان بۆ چەندین سالایە ل هەرێما کوردستانێ هەیه و جهێ شانازیێ بوویە لدەڤ هەمى پێکهاتەیێن ئاینى ل هەرێما کوردستانێ و بەرهەمێ وێ بزاڤا رزگاریخوازا کوردستانێ و پارتى دیموکراتى کوردستان بوویە، دیسان هەمى پێکهاتەیێن ئاینى (کوردێن ئێزیدى و شەبەک و مەسیحى و فەیلى... هتد) لبن چادرا دیموکراسیەتا هەرێما کوردستانێ دژین بێ جوداهى و چ روودانا وەنەکرییە ناڤەرۆکا پێکڤەژیانێ لژێر سیبەرا دەستهەلاتا پارتى دیموکراتى کوردستانێ ژناڤبچیت".
کاوە عیدۆى زەلالکر:" پەیاما سەرۆک بارزانى یا روون بوویە، کو هەمى پێکهاتە پێکڤە بژین و نابیت کەس تەعدایێ ل پیرۆزیێن کەسێ بکەت و ب خوشحالیڤە خەلکێ کوردستانێ جەماوەرەکێ ئاشتیخوازە و چ جارا وەنەکریە زێدەگاڤیەک لسەر پێکهاتەکى بهێتەکرن، پارتى دیموکراتى کوردستانى بتنێ ناخێ ئێزیدیاتیێ وەک ئاینەک ل کوردستانێ دپارێزیت و بەرەڤانیێ ژ مافێن ئێزیدیان ل پەرلەمانێ کوردستانێ دکەت، دیسان ب رێکا نوونەرێن خو ل بەغدا ژى ناهێلین مافێن ئێزیدیان بهێنە پێشێلکرن، ژبەر هندێ داخوازێ ژ هەمى کوردێن ئێزیدى دکەم دەنگ ب لیستا 183ێ بدەن ژبۆ پاراستنا گیانێ وان ژ هەر مەترسیەکێ".
فەرید ولیەم، وەلاتیەکێ مەسیحى بۆ مالپەرێ فەرمیێ پارتى دیموکراتى کوردستان ئاخفت:" هەر ژ ئازادیا هەرێما کوردستانێ تا نوکە و لگۆر دیرۆکا مللەتێ کورد ژى ب ئارامى ئەم و برایێن مسلمان و ئێزیدى پێکڤەژیاینە و چ ئاریشەیێن ئاینى و ئولى مە نەبوویە و ئەڤرۆ ژى ب هەمان شێوە لبن سیبەرا حکومەتا هەرێما کوردستانێ و دەستهەلاتداریا پارتى دیموکراتى کوردستانێ ئەم یێ هەمى چالاکیێن خوه یێن ئاینى ئەنجام ددەین بێى ئێک ئاستەنگەکێ یان سەرپێجیەکێ لسەر پیرۆزیێن مەسیحیەتێ بکەت، ژبەر ڤێ ئێکێ دخوازم دەنگ ب لیستا پارتى بدەین داکۆ چ داگیرکەر ئارامى و تەناهى و پێکڤەژیانا وەلاتێ مە تێکنەدەت کو چەوا مە دیت دەمێ کوردێن ئێزیدى و مەسیحى ژى ئاوارەى دهۆکێ بووین خەلکێ دەڤەرێ دەرگەهێن خۆ بۆ ڤەکرن و پێشوازیەکا گەرم لێکر و دەرگەهێن مزگەفتان ژى بۆ خەلکێ مە هاتە ڤەکرن".
ئەحمەد حسێن، زانایەکێ ئاینێ ئیسلامێ بۆ مالپەرێ فەرمیێ پارتى دیموکراتى کوردستان بەحسکر، پێکڤەژیان ل هەرێما کوردستانێ و ب تایبەت ل دەڤەرا دهۆکێ نەک درۆشمەکە بتنێ، بەلکو ب کریار هاتیە چەسپاندن و خەلکى و حکومەتا هەرێما کوردستانێ و پارتى ژى رێکنەدایە چ جارا ئەڤ خوشیا دناڤبەرا هەمى پێکهاتەیێن ئاینى و نەتەوەیى بهێتە تێکدان و دەلیڤە ژى نەدایە دۆژمنا پیلانێن وان یێن بڤى جورەیى سەربگرن، ژبەر هندێ تاکە پارت ژهەژى دەنگێن مە و ئەم پاراستین پارتى دیموکراتى کوردستان بوویە".
هەلز عەلى سەلیم
