وەرزشڤانێن دهۆکێ: پارتى دیموکراتى کوردستان پالپشتە بۆ پێشڤەبرنا ئاستێ وەرزشى.

 

دهۆک-KDP.info- وەرزشڤانێن پارێزگەها دهۆکێ دبێژن، پارتى دیموکراتى کوردستان هەردەم پالپشت و پشتەڤان بوویە بۆ وەرزش و وەرزشڤانان، ل گۆر هەبوونا قەیرانا دارایى ب هیچ رەنگەکى وەنەکریە دەرگەهێن یانەیێن وەرزشى بهێنەگرتن و ب باشترین وەرزشڤان یانەیان وەرزشا خۆ ئەنجامدایە. 

سەره‌رایى هەبوونا قەیرانا دارایى ل هەرێما کوردستانێ پارتى بەردەوام هەوڵدایە گرنگیێ بدەتە وەرزشێ و نەهێلیت دەرگەهێن یانەیێن کوردستانێ بهێنە گرتن، دەربارەى ڤێ ئێکێ کابتن بژار، سەرۆکێ یانا دهۆک یاوەرزشى بۆ مالپەرێ فەرمیێ پارتى دیموکراتى کوردستان گۆت:" سەراراى هەبوونا قەیرانا دارایى ل هەرێما کوردستانێ و ب تایبەت ل چەند سالێن چوویى، پارێزگارێ دهۆکێ تا رادەکێ شیایە هاریکارى و پشتەڤانیێ ل یانا دهۆک و هەمى وەرزشڤانێن یانێ بکەت ب دابینکرنا پێدڤیێن وەرزشى".

کابتن بژار خویاکر:" پارتى دیموکراتى کوردستان ب هەمى رەنگەکى پالپشت و پشتەڤان بوویە، کۆ ژئەنجامێ قەیرانێ کێم و كوڕى هەبووینە، بەلێ سەره‌رایى هندێ پارتى وەک حزبا دەستهەلآت ل باژێرێ دهۆکێ کێمخەمى دهاریکارى و پشتەڤانیێ دا بۆ یانێ و وەرزشڤانان نەکریە".

ل هەرێما کوردستانێ وەرزش دپێشڤەچوونێ دایە و ئێک ژ خالێن بەرنامەیێ پارتى دیموکراتى کوردستان پشتەڤان و بلندکرنا ئاستێ وەرزش و وەرزشڤانایە، بۆ ڤێ چەندێ بارزان مستەفا عومەر، سەرۆکێ یانا زاخۆ بۆ مالپەرێ فەرمیێ پارتى دیموکراتى کوردستان ئاخڤت:" هەر ژ دامەزراندنا یانا زاخۆ و تا نهۆ خزمەت و پشتەڤانیەکا زێدە هەرە مەزن ژلایێ پارتى دیموکراتى کوردستان و حکومەتا هەرێما کوردستانێ ڤە بۆ هاتیەکرن و ب تایبەت پشتى یاریگەها تەپاپێ یا نیڤدەولەتى ل یانا زاخۆ ب بەرهەڤبوونا سەرۆکێ حکومەتا هەرێمێ (نیچیرڤان بارزانى) ڤە هاتیە ڤەکرن".

بارزان مستەفا زەلالکر:" ژێرخانەکا ئابۆریا باش بۆ یانێ و وەرزشڤانا هاتیە دابینکرن، کو سەره‌راى هەبوونا قەیرانا دارایى چ جارا لقا هەشتا پارتى دیموکراتى کوردستان نەهێلایە دەرگەهێ یانا زاخۆ بهێتەگرتن و هەر دەمێ کارەکێ مە ئاستەنگەک بۆ دروست ببایە ئێکسەر لقا هەشتا پارتى بێ دوو دلى و دبەرژەوەندیا یانێ دا ئەو ئاستەنگە چارەسەرکریە بریار پێ دایە، پارتى ژ هەژى خزمەتکرنێیه‌".

عەقید فەخرى رێکانى، سەرۆکێ یانا زێرەڤانى بەحسکر، هەمى جورێن یاریان ل یانا مە هەنە، فەرماندەیا پێشمەرگەى زێرەڤانى هەر دەم پشتەڤانى و پالپشت بوویە، ب هیچ رەنگەکى کێمخەمى بۆ یانەیێ نەبوویە ژلایێ پارتى و فەرماندێ ڤە".

لیستا 183ێ یا پارتى دیموکراتى کوردستان د بەرنامەیێ خودا بەحس ل پشتەڤانیا زێدەتر بۆ بلندکرنا ئاستێ وەرزشى ل هەرێما کوردستانێ کریە ژ دابینگرنا وەرزشڤانان و پێدڤیێن وەرزشى.

 

هەلز عەلى سەلیم