لاوێن دهۆکێ پێشتەڤانیێ لیستا 183ێ دکەن

 

دهۆک-KDP.info- لاوێن دهۆکێ دبانگەشا هەلبژاتناندا راگەهاند، کۆ لاوێن کوردستانێ پێشتەڤان و پێشخەر بووینە بۆ پاراستنا دەستکەفتێن مللەتێ کورد، ئەڤرۆ ژى ب هەمان روحیەت پێشتەڤانن بۆ سەرئێخستنا لیستا 183ێ دکەن ژبۆ بجهئینانا هیڤیا هەر کوردستانیەکى چ دبوارێ رەوشەنبیرى و ئابورى و سیاسیدا بیت.

(ریڤینک شێخکى)، بەرپرسێ مالا لاوان ل دهۆکێ، بۆ مالپەرێ فەرمیێ پارتى دیموکراتى کوردستان راگەهاند:" هەلبژارتنێن ڤێ جارەکێ جوداهیەک دی ژهەلبژارتنێن دیتر هەیە، جونکى پشتى ئەنجامدانا ریفراندۆمێ دوژمنێن مللەتێ کورد هەولدا کوردستانێ بێهێز بکەن و پرۆژەیێ دەولەتا کوردستانێ ژناڤببەن، بەلێ پارتى دیموکراتى کوردستان تاکە هێز بوو خو لبەر سینگێ لەشکەرێ سێ دەولەتا و جیهانێ گرتى و نەهێلایى کوردستان بن دەست ببیت، دیسان لاو پێشخەر بووینە بۆ پاراستنا دەستکەفتێن مللەتێ کورد، ئەڤرۆ ژى ب هەمان روحیەت پێشتەڤانن بۆ سەرئێخستنا لیستا پارتى و کوردایەتیێ ئەرکێ مە هەمیانە".

(ریڤینگ شێخکى)، دیارکر ژى:" هیڤیە خەلکێ مە بزانیت هەلبژارتێن پەرلەمانى و ئەدایێ حکومەتێ ژ ئێک جودانە، جونکى هەر ئێک شولێ خو دکەت، ژبەر ڤێ ئێکێ لاو پێشتەڤانن بۆ سەرئێخستنا لیستا 183ێ ئەو لیستا خودانا پرۆژەیى دامەزراندنا دەولەتا کوردستانى".

 

(ئەحمەد مستەفا)، دەبارەیى بابەتى گۆت :" لاوێن کوردستانێ هەردەم ئاشتخواز بووینە بۆ پێکڤە ژیانێ، نوکە ژى برێکێن ئاشتیانە داخوازا مافێن مللەتێ خۆ یێن شەرعى دکەن، پشکدارى د هەلبژارتنان ئەرکێ هەر تاکە کوردەکى یە بجهبینیت و ب رێکێن ئازادیانە و ب ئاشتیانە دەنگێ خۆ بدەن، مە ژى وەک لاوێن دهۆکێ بریار دایە دەنگێ مە بۆ لیستا پارتى دیموکراتى کوردستان بیت، لیستا سەرۆک بارزانى و دامەزراندنا دەولەتا کوردى".

 

(هلبین سەلیم)، زەلالکر :"لاو ئاڤاکەرێن ئاشتیێ نە، ژبەر ڤێ ئێکێ پێشتەڤانن بۆ دەستڤەئینانا مافێن مللەتێ کورد برێکێن ئاشتیێ نە ئەرکێ مە، دەنگدان تاکە رێکا ئاشتیانە بۆ هەلسەنگاندنا هێزا مرۆڤى و دڤێ قۆناغێ دا گرنگە ب روحیەتا هەموو جاران بەرەڤ سندوقێن دەنگدانێ بجین و دەنگ ب لیستا 183ێ بدەین ژبۆ بجهئینانا هیڤیا هەر کوردستانیەکى چ دبوارێ رەوشەنبیرى و ئابورى و سیاسیدا بیت".

 

هەلز عەلى سەلیم