خەلکێ دهۆکێ: دەنگداندان ب لیستا 183 ئەرکەکێ نیشتیمانی و نەتەوەیی یە

 

دهۆک-KDP.info-  خەلکێ دهۆکێ سۆزێن خۆ بۆ لیستا 183 یا پارتی دیموکراتی کوردستان دیار کرن، کو پارتی پێشخەری هەمی دەستکەفتێن مللەتێ کورد و کوردستانێ بوویە.

 

لیستا 183 یا پارتی دیموکڕاتی کوردستان یا پێنچەمین خولا پەرلەمانێ کوردستانێ، چەندین بەرنامە و ئیستڕاتیژیەک هەنە، ئەحمەد نوری، ئەندازیار بۆ مالپەرێ فەرمیێ پارتی دیموکراتی کوردستان گۆت:"هەر ژ خولا ئێکێ یا پەرلەمانێ کوردستانێ و تا نهۆ، پارتی هەولا دایە ئێکرێزیا مللەتێ کوردستانێ ب پارێزیت و پتر دەستکەفتنان بو کوردستانیان تومار بکەت، ژبەر هندێ دەنگدان ب پارتی دەنگدانە ب وژدانا مرۆڤایەتیی و کوردینی".

 

هلبین مزیری، دەرچوویا زانکۆیێ بۆ مالپەرێ فەرمیێ پارتی دیموکراتی کوردستان خویاکر:"هەر هێرشەکا هاتیە ستر ئاخا کوردستانێ ل هەڕ پارچەیەکێ، پارتی تاکە هێز بوویە پێشخەری دپاراستنا دەڤەرێن کوردستانی دا، ژبەر ڤێ ئێکێ دەنگداندان ب لیستا 183 ئەرکەکێ نیشتیمانی و نەتەوەیی یە".

 

دونیا کوجەر، مامۆستا بۆ مالپەرێ فەرمیێ پارتی دیموکراتی کوردستان زەلالکر:"پارتی هەر سۆزەکا دایی بێ دوو دلی بجهئینانە و رێک ل هەمی دۆژمنان گرتیە ئاخا کوردستانێ داگیر بکەن بگرە ژ رژێما بەعسا دکتاتور و تا و هێرشێن تیرورستێن داعشێ، پارتی ژ هەژی دەنگێ منە".

 

بەیان عەبدوللا، مامۆستا ل قونابخانەیا خەبات بۆ مالپەرێ فەرمیێ پارتی دیموکراتی کوردستان دیارکر:"ژناڤبرنا هێرشێن داعش و حەشدا شەعبی پێشمەرگەیێ قەهڕەمان بوو ب سەرۆکاتیا سەرۆک (مەسعود بارزانی)، و نەهێلانا ژناڤبرنا

دەستکەفتێن مللەتێ کورد هەر سەرکردایەتیا پارتی بوویە، گرنگه ئەم ژێ پێشتەڤانیێ ل حزبا خوراگر و پری دیرۆکەکا سەروەری بکەن".

نیهاد گولی، هەولاتی  بۆ مالپەرێ فەرمیێ پارتی دیموکراتی کوردستان بەحسکر، قوربانیدان و کوردایەتی و تومارکرنا داستانێن سەرکەفتنان د شۆرەشێن کوریدا هەر ژ دامەزراندنا پارتی، دۆژمن هەژاندیە، ژبەر هندی پەڤرۆ ژی ئەم د قۆناغەکا هەستیار و دژوار داینە، گڕنگە دەنگ ب پارتی بدەین ژبۆ پاراستنا گیانێ کوردستانیان.

عەلی ئیزیدی، جوتیار بۆ مالپەرێ فەرمیێ پارتی دیموکراتی کوردستان ئاخفت :"هەر پێنگاڤەکا بۆ پەرژەوەندیا کوردستانیان ب هەمی ئاین و نەتەوە ڤە دئێتە هاڤێژتن، پارتی سەرکێشیا وێ ئێکێ دکەت و دەنگێ هەمێ پێکهاتەیان بێ جوداهی گەهاندیە جیهانێ و نەتەوەیێن ئێکگرتی، ژبەر هندێ دەنگێ من بۆ لیستا پارتی یە".

ئاشتی دوسکی، پارێزەر بۆ مالپەرێ فەرمیێ پارتی راگەهاند:"یێن نەهێلایی دۆژمن سنۆرێن کوردستانێ دەرباز بکەت و هیچ خیانەت ل کوردستانێ نەکری، دێ دەنگێ خۆ ب لیستێ دەم، ئەو پارتی یە جونکی لگۆر دیرۆکا خۆ قوربانی بۆ مللەتێ کوردستانێ یە و تاکە ئارمانجا وێ دامەزراندنا دەولەتا کوردسحانی یە".

هەلز عەلی سەلیم