خالد ئەحمەد: پارتی دێ دەنگێن خۆ ل دهۆکێ زێدەکەت
دهۆک-KDP.info- بەرپرسێ هەلبژارتنێن پارتی دیموکراتی کوردستان ل پارێزگەها دهۆکێ ڕاگەهاند، پارتی وەک پارتەکا دیموکرات خواز هەردەم بەرهەڤ و ئامادەیە بۆ هەر پروسەکا دیموکراسی، و هەلبژارتن ژی ئامرازەکێ دیموکراسی گرنک و پیرۆزە کو هەڤوەڵاتی ببیتە جهێ شەرعیەتێ و دانا باوەریێ.
بریارە ل ٣٠ـی ڤێ مەهێ هەلبژارتنێن پەرلەمێنتۆیا کوردستانێ بهێنە ئەنجامدان و پارتی دیموکراتی کوردستان ژی بەرهەڤیەکا گەلەک باش کریە بۆ ڤان هەلبژارتنان هەر ب ڤێ مەرەمێ ژی ١٠٠ بەربژێر هەینە، دڤی بیاڤی ژی دا خالد ئەحمەد، بۆ ماڵپەرێ فەرمیی یێ پارتی دیموکراتی کوردستان گۆت: ''ژ بۆ ژ نوی رێکخستنا خشتا سیاسی و کارا کرنا پەرلەمێنتۆیێ و ئاڤا کرنا حکومەتەکا نوی کو بشێت بارێ ژین و ژیارا خەلکێ خوەراگر و فیداکارێ کوردستانێ هەلگریت و خەلک ب ئازادانە هەڵسەنگاندنا روڵ و هەلویستێن بەرنامە و قەبارێن سیاسی یێن لایەنێن کوردستانی بکەتن، و کوردستان ب هێز بەرهەڤی قوناغا بهێت بیت.''
دەربارەی بەرهەڤیێن پارتی بۆ ڤان هەلبژارتنا ژی، ناڤهاتی ئاماژە دا، کو پارتی پیشەنگ بوویە د پێشکێشکرنا لیستێن کاندیدا و هەمی بەرهەڤێن تەکنیکی یێن تێنە کرن ژلایێ دەزگەهـ و نڤیسینگەهـ و بەشێن هەلبژارتنا ڤە.
پارتی ل پارێزگەها دهۆکێ ئێکەمە ئەرێ نها ژی دێ هەر پێگەهێ خۆیێ بهێز و جاران پارێزیت؟ ئەحمەدی خویاژی کر، پارتی پشت گەرمێ جەماوەرێ خوە یێ دلسوز و خودان باوەر و نەگۆڕە وەک هەلویست و بەرنامە و سەرکردایەتیا پارتی دگەل ئارمانج و خەلکێ خۆیە، بانگەشا پارتی دێ پێداگیر بیت ل سەر بەرنامێ پارتی بوون و بەرگری کرن ژ مافێن نەتەوەی و پەیدا کرنا تەڤاییەکا نافخوەی و هەلگرتنا بارێ گران یێ ژین و ژیارا خەلکێ کوردستانێ ب هەفکاری و هەفپشکی دگەل لایەنێن سیاسی یێن باوەری ب دەستکەفتێن خەلکێ کوردستانێ هەین و بوو ئەرک و مافان هەفپشک بن.
هێشتا گۆتژی:'' بانگەشا پارتی دێ دیدار و دیتن و نێزیکبون بیت ژ تەڤایا تەخ و توێژێن جڤاکێ کوردستانێ و گوهدانا داخازی و گازندێن وان بیت و گەهاندنا پەیام و بەرنامێ پارتی بیت، هەلویست و کریارێن پارتی د ٤ -٥ سالێن بۆری دا جوداهیا پارتی ژ گەلەک لایەنێن دی جودا دکەت، دیسان پارتی شانازیێ ب کاندیدێن خوە دکەت کو ژ لایێ جڤاکی و پیشەی و ئەکادیمی و خەباتێ دا د گشت گیر و ئاڤانە .
ل دوایێ گۆتژی: ئەم پشت گەرمێن خەلکێ خوەنە، و مە باوەری ب تێگەهشتن و هشیاریا خەلکێ خوە هەیە کو دزانن دەنگ دان ب پارتی چ دگەهینیت و دێ چ بەرهەم هێنیت ژبەر هندێ دێ پارتی دەنگێن خوە پارێزیت و زێدە کەتن.
پارتی دیموکراتی کوردستان ب لیستا ١٨٣ـێ ب دروشمێ ئاڤاکرنا کوردستانەکا ب هێز پشکداری د هەلبژارتنان دا کریە.
کـــاروان بـــاعەدری
