خالد ئەحمەد: ل پارێزگەها دهۆکێ دەنگ وەکهەڤ دەرکەتینە

 

دهۆک- KDP.info- بەرپەرسێ نڤیسینگەها هەلبژارتنان ل لقا ئێکێ پارتى راگەهاند، پشتى پرۆسیسا ڤاڤارتنا دەنگان ل پارێزگەها دهۆکى دەسپێکرى، دەنگێن پارتى کێم نەکرینە و دەنگ وەکهەڤ بووینه، بەلێ ب مخابنى ڤە کومسیونا هەلبژارتنان ئیدارەکا گەلەکا خراب  ددەنگدانا ئاوارەیان دا کریە و باوەرم ژى ئەڤە نیەتەکا سیاسى ل پشت هەبوویە.

خالد ئەحمەد، بەرپرسێ نڤیسینگەها هەلبژارتنان ل لقا ئێکێ پارتى بۆ مالپەرێ فەرمیێ پارتى دیموکراتى کوردستان گۆت:" پشتى پرۆسیسا ڤاڤارتنا دەنگێن هەلبژارتنێن ئەنجوومەنێ نوونەران ل عیراقێ دەستپێکرى ل پارێزگەها دهۆکى، دەنگێن پارتى کێم نەکرینە".

خالد ئەحمەد بەحسکر، ل پارێزگەها دهۆکێ  دو لیستە بۆ ڤاڤارتنا سندوقێن دەنگدانێ هەبوون، لیستا ئێکێ دەنگێن گشتى و تایبەت دگەل 10 سندوقێن ئاوارەیان، کو بەرى هینگێ هاتبوونە هژمارتن و پێدڤى دکر بهێنە هژمارتن ڤە و ئەنجام ددلخوشکەر بوون و دەنگ وەکهەڤبوون و دەنگێن پارتى کێم نەکرینە".

بەرپرسێ نڤیسینگەها هەلبژارتنان زەلالکر:" لیستا دوویێ، 224 سندوقێن دەنگدانێ یێن ئاوارەیان و 6 سندوقێن گشتى یێن دهۆکێ و دگەل سندوقەکا دەنگێن تایبەت بوون، کۆ بەرى نوکە نەهاتبوون هژمارتن و ڤاڤارتنا وان بەردەوامە، نە باوەرین گهورین د رێژەیا کورسیان ل دهۆکێ دروست ببیت، چونکى ل دهۆکێ پاقژترین پرۆسیسا دەنگدانێ پرێڤەچوویە و خەلکێ دهۆکێ باوەرى ب پارتى هەیە، ژبەر ڤێ ئێکێ دەنگ ب پارتى دایە".

گوتى ژى:" ب مخابنى ڤە کومسیونا هەلبژارتنان ئیدارەکا گەلەکا خراب ددەنگدانا ئاوارەیان دا کریە و ئەو مەرجێن پێدڤى بۆ برێڤەبرنا پرۆسیسێ بەر دەست نەکرینەو مافێن گەلەک ئاوارەیان هاتینە پێشیلکرن، باوەرم ژى ئەڤە نیەتەکا سیاسى ل پشت هەبوویە، ئەم دخوازین ڤەکولین لسەر ڤى بابەتى بهێتەکرن و رێکێن یاسایى دەرهەق بهێنە وەرگرتن".

ل 12-5-2018ێ هەلبژارتنێن ئەجوومه‌نێ نوونەران ل عیراقێ هاتنە ئەنجامدان، ل پارێزگەها دهۆکێ لسەرجەمێ 11 کورسیان، 10 کورسی بدەستەڤە ئینا بوون.

هەلز عەلى سەلیم