هێزەکانی عێراق لە شنگال و سنووری سووریا كشانەوە
__2018_07_09_h14m44s48__ER.jpg)
شنگال-KDP.info- سەرچاوەیەكی سەربازیی عێراق ڕایگەیاند، ئەو هێزانەی كە هاتبوون بۆ شنگال و سنووری سووریا و دەوروبەری كشانەوە.
سەیدۆ ئەحمەدی، ئەفسەر، بە ماڵپەڕی فەرمیی پارتی دیموكراتی كوردستانی گوت: "ئەو هێزانەی عێراق کە هاتبوونە شنگال و سنووری سووریا و دەوروبەری، ئێستا كشانەوە و ئەو ناوچانە ڕادەستی حەشدی شەعبی و پاسەوانانی سنوور كران".
ئەو ئەفسەرە گوتیشی: "٩٠ ناقیلەی سەربازیی سەر بە لەشكری عێراق لە سنوورەكە كشانەوە و بەرەو سەربازگەی ''كەندی'' لە مووسڵ ڕۆییشتن و ناوچەكەش ڕادەستی حەشدی شەعبی كراوە".
ئەمەش لە كاتێكدایە، ئەو ناوچەیە چەندین ڕاوێژكاری ئەمەریكایی لێ جێگیر بووە بۆ دانانی بنكەیەكی سەربازی، شارەزایان و چاودێرانی سیاسییش باوەڕیان وایە، ئەم بنكەیە بۆ ئەوەیە ڕێگە نەدات نفووزی وڵاتانی ئیقلیمی بەهێز بێت.
كـــاروان بـــاعەدری
