كۆمسیۆنی هەڵبژاردنەكان، وادەی تۆماركردن و ڕاستاندنی قەوارە سیاسییەكان و هاوپەیمانێتییەكانی ڕاگەیاند

 

هەولێر-KDP.info- كۆمسیۆنی باڵای سەربەخۆی هەڵبژاردن و ڕاپرسی لە هەرێمی كوردستان، ڕایدەگەیێنێت، تۆماركردن و ڕاستاندنی قەوارە سیاسییەكان و هاوپەیمانێتییەكان لە 27ی ئەم مانگەوە دەست پێ دەكات.

 

لە ڕاگەیێندراوێكدا، كە وێنەیەكی بۆ ماڵپەری فەرمیی پارتی دیموكراتی كوردستان نێردراوە، كۆمسیۆنی باڵای سەربەخۆی هەڵبژاردن و ڕاپرسی، ڕایگەیاندووە: "ئاگاداری سەرجەم قەوارە سیاسییەكان و لایەنە پەیوەندیدارەكان دەكەینەوە، كە تۆماركردن و ڕاستاندنی قەوارە سیاسییەكان لە ڕۆژی 27/5/2018ـوە دەست پێ دەكات تاوەكوو 7/6/2018".

 

كۆمسیۆنی باڵای سەربەخۆی هەڵبژاردن و ڕاپرسی، هەروەها ئاماژەیشی داوە: "تۆماركردن و ڕاستاندنی هاوپەیمانێتییەكان لە رۆژی 18/6/2018ـوە دەست پێ دەكات تاوەكوو 20/6/2018".

 

ئومێد بابان