سۆزان ئامێدى: د هەلبژارتناندا سەنگا هەمى پارتێن سیاسى ل عیراقێ دیار بوو

 

دهۆک-KDP.info- مامۆستایەکا زانینگەهێ و چاڤدێرا سیاسى راگەهاند، پشتى راگەهاندنا ئەنجامێن هەلبژارتنێن جڤاتا نوونەرێن عیراقێ بۆ هەمى لایەنێن سیاسیێن عیراقێ و کوردستانێ و جڤاتا نیڤدەولەتى ژى رون بوو، کۆ گرنگیەکا هەر حزبەکا سیاسى ل هەرێما کوردستانێ و عیراقێ ژى چەندە، کۆ پارتى دیموکراتى کوردستان حزبا ئێکێ لسەر عیراقێ دەرچوو، ژبەر هندێ پارتى دیموکراتى کوردستان تەکەزێ لوى لایەنێ سیاسى عیراقى دکەت یێ دگەل مافێن کوردان بیت، داکو هەڤپەیمانیێن سیاسى دگەل ئەنجام بدەت.

 

ل 12-5-2018ێ، هەلبژارتنێن جڤاتا نوونەرێن عیراقێ ب چاڤدێریا نیڤدەولەتى هاتنە ئەنجامدان، ل 22-5-2018ێ، شاندەکێ پارتى دیموکراتى کوردستان ب سەرپەرشتیا (فازل میرانى) سکرتیرێ پارتى دیموکراتى کوردستان، سەردانا بەغدا کر و دگەل چەند لایەنێن سیاسى کومبوون ژبۆ پێکئینانا حکومەتا نوى ل عیراقێ.

 

د. سوزان ئامێدى، مامۆستا زانینگەهێ و چاڤدێرا سیاسى بۆ مالپەرێ فەرمیێ پارتى دیموکراتى کوردستان گۆت:" فشارێن سیاسى و ئابۆرى و لەشکەرى یێن کەفتیە سەر هەرێما کوردستانێ، لایەنێن سیاسى و ب تایبەت پارتى دیموکراتى کوردستان ڤەگەراندن بۆ پشکداریکرنێ دهەلبژارتنێن جڤاتا نوونەرێن عیراقێدا و پشتى راگەهاندنا ئەنجامێن هەلبژارتنێن جڤاتا نوونەرێن عیراقێ بو هەمى لایەنێن سیاسى یێن عیراقێ و کوردستانێ و جڤاتا نیڤدەولەتى ژى رون بوو کۆ گرنگیەکا هەر حزبەکا سیاسى ل هەرێما کوردستانێ و عیراقێ ژى چەندە، کۆ پارتى دیموکراتى کوردستان شیا ببیتە حزبا ئێکێ ل هەمیى عیراقێ و ئەڤ چەندە دوور بوو ژ پێشبینیێن لایەنێن سیاسیێن عیراقێ یێن شیعە و سوننە ژى".

 

سوزان ئامیدى، ئاماژەدا هندێ:" حکومەتا بەغدا ب هیچ رەنگەکى نەشێت بهێتە دامەزراندن بیێ پشکداریا کوردستانیان و ب تایبەت پارتى، دیسان بۆ پێکئینانا حکومەتى ل پێش وەخت لایەنێن سیاسى دگەهنە هندەک رێککەفتنا و ئەو مەرجێن تێدا دئێتە بارڤەکرن دڤێت ب نڤیسار بن نەک بتنێ گوتن بن و ب بەرهەڤبوونا لایەنێ سیێ یێ نیڤدەولەتى".

 

مامۆستا زانینگەهێ خۆیاکر:" هەمى لایەنێن سیاسى ب هەر شێوەکى بیت دێ خۆ نیزیکى کوردان کەن بۆ دامەزراندنا حکومەتا نووى ل عیراقێ، بەلێ پارتى دیموکراتى کوردستان تەکەزێ لوێ لایەنێ سیاسى دکەت یێ دگەل مافێن کوردان بیت، داکۆ هەڤپەیمانیێن سیاسى دگەل ئەنجام بدەت، ژبەر هندێ گرنگە لایەنێن سیاسى مفایێ بۆ خۆ ژ سەربورێن دیتر ببەن و گرنگیێ بدەن وان خالان یێ گرێدایى مافێن کوردستانیان و حکومەتا عیراقێ یا بەرێ بجهنەئینایین".

 

هەلز عەلى سەلیم