دەزگای بارزانی، هاوكاریی ٣٠٠ خێزانی كەمدەرامەت و زیانلێكەوتووی لافاوی كرد
سۆران-KDP.info- دەزگای خێرخوازیی بارزانی، لە درێژەی كار و چالاكییەكانیدا بە بۆنەی مانگی رەمەزانی پیرۆزەوە، پارسێلی خۆراك و پێداویستیی ناوماڵی پێشكەش بە ٣٠٠ خێزانی هەژار و زیانمەندانی لافاو لە شاری سۆران و دەوروبەری كرد.
ئەمڕۆ دووشەممە، تیمێكی دەزگای خێرخوازیی بارزانی بە مەبەستی هاوكاریكردنی كەمدەرامەتان و زیانلێكەوتووانی لافاو، گەییشتە شارەدێی دیانە لە شاری سۆران.
لە پڕۆژەكەدا پارسێلی خۆراك و ٢ بەتانی و رادیۆ و سێتی مەتبەخ و ...هتد پێشكەش بە ١٥٠ خێزانی هەژار و كەمدەرامەت لە شارەدێی دیانە كرا و، دواتر پێداویستییەكان پێشكەشی ١٥٠ خێزانی دیكەی سۆران و دوروبەری كرا، كە بە هۆی لافاوەوە زیانمەند ببوون.
