ل دهۆکێ مەرکەز و ویستگەهێن دەنگدانێ کارێ پرێڤە نابەن

 

دهۆک-KDP.info-  وەلید عەلی، چاڤدێرێ چڤاکا مەدەنی راگەهاند، لاوازیەکا زۆر دپرۆسیسا پرێڤەبرنا دەنگدانێ دا هەیە، دڤێت لایەنێن پەیوەندیدار فشارێ بێخنە لسەر کومسیونێ بۆ دانانا پێگهورەکی بۆ ئامیرێن ژکارکەفتی.

وەلید عەلی، چاڤدێرێ چڤاکا مەدەنی بۆ مالپەرێ فەرمیێ پارتی دیموکراتی کوردستان گۆت: "لگۆر پێزانین مە تا نوکە لاوازیەکا زۆر د پروسیسا پرێڤەبرنا دەنگدانێدا هەیە و بنگەه بدروستی کارێ خۆ ئەنجام نادەن".

وەلید عەلی بەحس کر، سیستەمێ نوویێ هەلبژارتنان یێ نوویە بۆ خەلکی و کومسیونێ ژی و چەندین ئاریشە بەرامبەر کاری هەنە؛ ژبەر نەکارکرنا ئامیران و لاوازیا گەهاندنا کەل و پەلێن کومسیونێ بۆ بنگەهان، دیسان تورا پەیوەندیێ یا لاوازە و کارمەندێن کومسیونێ ژی شارازیەکا باش نینە.

چاڤدێرێ مەدەنی خویاکر: "تا نوکە مەرکەزەکێ دەنگدانێ ل دهۆکێ نەهاتیە ڤەکرن و دگەل چەند ویستگەهان و ڤێ چەندێ دێ کارتێکرنەکا نەرینی لسەر پرۆسیسا دەنگدانێ هەبیت، فەرە جهێن پەیوەندیدار فشارێ بێخنە سەر کومسیونێ کو پلانەکا دیتر هەبیت".

هەلز عەلی سەلیم