ددەنگدانا گشتیدا 716 هزار دەنگدەر دێ دهۆکێ دەنگدەن

 

دهۆک-KDP.info-  دەنگدانا گشتی ل سنۆرێ پارێزگەها دهۆکێ دەستپێکر و تا دەمێژمیری شەشی ئێڤاری دێ بەردەوام بیت.

ل 2018-5-12ێ، دەنگدانا گشتی ل سەرجەم بنگەهێن دەنگدانێ لدەمێژمیری ۷ سپێدێ دەستپێکر تا ٦ی ئیڤاری خەلکێ سنۆرێ پارێزگەها دهۆکێ مافێ دەنگدانێ بۆ جڤاتا نوونەرێن عیراقێ هەیە.

سەگڤان حەسەن، رێڤەبەرێ راگەهاندنێ ل کومسیونا بالایا هەلبژاتنان عیراقێ، ئوفیسا دهۆک بۆ مالپەرێ فەرمیێ پارتی دیموکراتی کوردستان گۆت: "ددەنگدانا گشتیدا، پتر ژ 200 ئاوارەیان مافێن دەنگدانێ هەیە، 61 بنگه‌هێن ده‌نگدانێ و 349 ویستگه‌هێن ده‌نگدانێ لسەرانسەری پارێزگەها دهۆکێ هاتینە ڤەکرن، ده‌نگده‌رێن گشتیێن پارێزگه‌ها دهۆكێ 716 هزار دەنگدەرن".

 

حەسەنی دیارکر ژی: "هەر دەنگدەرەک دڤێت جارەکێ بتنێ پێنوسێ حوبری ل خالا لایەنێ و ژمارا کاندیدی بدەت، ئەگەر پتر ژ جارەکێ حوبرێ پێنوسێ ل خانێ دا دبیت ئەو دەنگه ژناڤبجیت".

هێرش رەشید، بەرپرسێ رێکخراوا مەند بۆ یەکسانیێ بۆ مالپەرێ فەرمیێ پارتی دیموکراتی کوردستان ئاماژەدا: "ل سەرانسەری پارێزگەها دهۆکێ ۷ رێکخراوێن نافخۆ پشکدارن و ب پشکداریا چەندین رێکخراوێن نیڤدەولەتی".

هەلز عەلی سەلیم