دەنگدانێ پێشمەرگە و دەزگەهێن ئێمناهى تا ده‌مژمێر 6ى ئیڤارێ دێ بەردەوام بێت
دهۆک-KDP.info- سەکڤان حەسەن راگەهاند، ل سنوورێ پارێزگەها دهۆکێ 21 بنگەهێن دەنگدانێ بۆ دەنگدەرێن تایبەت هاتینە بەرهەڤکرن، کو پتر ژ 50 هزار دەنگدەران مافێ دەنگدانا تایبەت هەیە.
ل سپێدەهیا 10-5-2018ێ، دەرگەهێن بنگەهێن دەنگدانێ بۆ دەنگدەرێن تایبەت (پێشمەرگە و ئاسایش و پۆلیس) ل سەرانسەرى پارێزگەها دهۆکێ هاتنە ڤەکرن.
سەکڤان حەسەن، بەرپرسێ راگەهاندنێ ل کۆمسیونا بالایا سەربەخۆیا هەلبژارتنان، ئوفیسا دهۆک بۆ مالپەرێ فەرمیێ پارتى دیموکراتى کوردستان گۆت:" ل سنوورێ پارێزگەها دهۆکێ 21 بنگەهێن دەنگدانێ بۆ دەنگدەرێن تایبەت (پێشمەرگەو دەزگەهێن ئێمناهى) هاتینە بەرهەڤکرن".
سەکڤان حەسەن دیارکر ژى:" ئەڤرۆ بنگەهێن دەنگدانێ ل دەمژمێرى 7ى سپێدێ هاتینەڤەکرن و تا 6ى ئیڤارێ دێ دەنگدان بەردەوام بیت، کو پتر ژ 50 هزار دەنگدەران مافێ دەنگدانا تایبەت ل سنورێ پارێزگەها دهۆکێ هەیە".
هەلز عەلى سەلیم
