وەرزشوانان: پارتی هەوڵی داوە مافی وەرزشوانان دەستەبەر بكات، بۆیە دەنگی پێ دەدەین
سۆران-KDP.info- وەرزشوان و وەرزشدۆستان دەڵێن، پارتی زۆر خزمەتی وەرزشوانانی كردووە و بە هەزاران یاریگای چیمەنی دەستكردی لە شار و گوندەكانی كوردستان دروست كردووە و، پێداویستیی وەرزشیی بەسەر وەرزشواناندا دابەش كردووە و هەموو كاتێك پشتیوانی وەرزشوانان بووە، بۆیە ده‌نگ به كاندیدەكانی دەدەن.
بارز بەیار، كە یاریزانی تۆپی پێیە، بۆ ماڵپەڕی فەرمیی پارتی دیموكراتی كوردستان دەڵێ: "داوا لە هەموو وەرزشوانان و وەرزشدۆستان دەكەم، دەنگ بە لیستی 184 بدەن، چونكە لیستی پارتی، لیستی سەربەرزی شەهیدان و داستانی پردێ و سحێلا و لەناوبردنی داعشە، لیستی وەرزشوانانە، بۆیە هیوادارم لە رۆژی دەنگداندا، دەنگیان بۆ لیستی پارتی بێت".
مەیان داوود، یاریزانی گۆڕەپان و مەیدان لە سۆران، بۆ ماڵپەڕی فەرمیی پارتی دیموكراتی كوردستان گوتی: "بۆ بەدەستهێنانی دەستكەوتی زیاتر، دەنگ بە لیستی 184ی پارتی دەدەین، چونكە تاكە لیستە كە بە درێژایی مێژوو خزمەتی وەرزشوانانی كردووە و پێداویستیی وەرزشوانانی دابین كردووە، بۆیە رۆژی هەڵبژاردن دەنگی من و وەرزشوانانی سۆران، بۆ لیستی پارتییە".
كارزان فەهمی، یاریزانێكی دیكەیە، بۆ ماڵپەڕی فەرمیی پارتی دیموكراتی كوردستان گوتی: "لە سۆران كاتی خۆی یەك یاریگایش نەبوو، ئێستا لە هەر گەڕەكێكدا یاریگایەك هەیە، ئەمەیش ئەوە دەگەیێنێت كە پارتی خزمەتێكی زۆری وەرزشوانانی كردووە و بە سەدان یاریگا و شوێنی یاریی جۆراوجۆری دروست كردووە، ئێمەیش بە لە بەرچاوگرتنی خزمەتی پارتی بە وەرزشوانان، دەنگ بەو لیستە دەدەین، چونكە بە سەركەوتنی ئەو لیستە، مافەكانمان دابین دەكرێن و زیاتر بە حەز و ئارەزووەكانمان دەگەین".
شاهین مزگین، یاریزان و وەرزشدۆست، بۆ ماڵپەڕی فەرمیی پارتی دیموكراتی كوردستان ده‌ڵێ: "ئەگەر وەرشوانان بیانەوێت وەرزشی كوردستان زیاتر پێش بكەوێت و زیاتر گرینگی بەو بوارە بدرێتت، دەبێ دەنگ بە لیستی پارتی و كاندیدەكانی پارتی بدەن، چونكە تاكە حزبە كە گرینگی بە وەرزش دەدات، بۆیە من دەنگ بە پارتی دەدەم، لەبەر ئەوەی پارتی هەموو كاتێك هەوڵی داوە مافی وەرزشوانان دەستەبەر بكات".
ڕابین شێروانی
