کاندیدێن پارتى: دێ کارکەین بۆ جینوسایدکرنا کاراساتێن سەر ب کوردستانیاندا هاتین

 

دهۆک-KDP.info- هندەک ژ کاندیدێن پارتى ل سنۆرێ پارێزگەها دهۆکێ راگەهاند، دێ کار کەین بۆ جینوسایدکرنا کاراساتێن کوردێن ئیزیدى و ئەنفالکریان، دیسان دێ هەمى هەولادەین مافێن شەهید و پێشمەرگەیێ کوردستانێ بدەستڤەبینین، ژبەر هندێ ب لیستا 184یا پارتى دیموکراتى کوردستان دەنگدانە بۆ بدەستڤەئینانا مافێن کوردستانیان.

روناک عەلى، کاندیدا ژمارا 13ێ لیستا 184 بۆ مالپەرێ فەرمیێ پارتى دیموکراتى کوردستان گۆت:" دێ کارکەم ژبۆ رزگارکرنا ژنێن ئیزیدى یێن دەستێ داعشێدا و ڤەگەراندنا خەلکێ ئاوارەیێ بۆ لسەر جهێ خۆ و ناساندنا جینوسایدا ئیزیدیان ل ناڤەندێن جیهانێ".

نورى رەمەزان، کاندیدێ ژمارا 14ێ لیستا 184 بۆ مالپەرێ فەرمیێ پارتى دیموکراتى کوردستان خویاکر:" پارتى هەردەم کار بۆ بدەستەڤەئینانا مافێن مللەتێ کورد ل عیراقێ کریە، دێ کار لسەر بجهئینانا ڤێ ئارمانجێ کەم، ب تایبەت مافێن بریندار و شەهید و فەرمانبەرێن کوردستانێ".

تەحسین حەسەن، کاندیدێ ژمارا 18ێ لیستا 184 بۆ مالپەرێ فەرمیێ پارتى دیموکراتى کوردستان گۆت:" دێ کار لسەر بجهئینانا مادێ 140ێ دستورى و مافێن پێشمەرگەیى وەک رێکخستیەکێ لەشکەر کەم".

وەسفیا محەمەد، کاندیدا ژمارا 22ى لیستا 184 بۆ مالپەرێ فەرمیێ پارتى دیموکراتى کوردستان بەحسکر، دێ کار لسەر بدەستڤەئینانا مافێن مالباتێن شەهید و پێشمەرگەیى و ئاڤاکرنا کوردستانێ ژ هەمى روویەکێ ڤە کەم".

 

هەلز عەلى سەلیم