کاندیدێن پارتى ل دهۆکێ: دێ هەولدین مافێن هەمى پێکهاتەیێن کوردستانێ بدەستڤە بینین.

 

دهۆک-KDP.info- کاندیدێن پارتى دیموکراتى کوردستان ل سنورێ پارێزگەها دهۆکێ راگەهاند، دێ هەولدین مافێن هەمى پێکهاتەیێن کوردستانیان، لگۆر دستورێ عیراقێ بدەستڤەبینین، ژبەرڤێ ئێکێ لیستا 184یا پارتى دیموکراتى کوردستان دێ ب راوژکارانە شێت وان مافان بدەستەڤە بینیت.

 

شیلان سامر، کاندیدا ژماره‌ 9ێ لیستا 184 بۆ مالپەرێ فەرمیێ پارتى دیموکراتى کوردستان ئاماژەدا:" دێ هەولدەم گرنکیێ بدەمە مافێن هەمى پێکهاتەیێن کوردستانیان، ژ ئەرمەن و تورکمان و ئاشوورو سریان و...هتد، و پێکڤەژیانا ل کوردستانێ لسەر بنیاتێ شەراکەتێ یێ پاراستى بیت و مافێن هەر پێکهاتەیەکى لگۆر دستورى بهێنە وەرگرتن".

 

عومەر عەلى، کاندیدێ ژماره‌ 12ێ پارتى دیموکراتى کوردستان شرۆڤەکر، دێ کار لسەر کارنامەیا پارتى کەت ژبۆ بدەستڤەئینانا مافێن دستوریێن هەرێما کوردستانێ و تومامکەرێ خەباتا پێشمەرگە و شەهیدێن کوردستانێ بیت.

 

هندرین لەزگین، کاندیدێ ژماره‌ 15ێ لیستا 184 بۆ مالپەرێ فەرمیێ پارتى دیموکراتى کوردستان گۆت:" کار لسەر بدەستڤەئینانا مافێن هەولاتیێن کوردستان و دەستکەفتێن زێدەتر ل عیراقێ کەم و فشارێ ژبۆ بجهئینانا هەمى برگەیێن دستورى ئێخمە لسەر پەرلەمانێ عیراقێ".

 

هەیفا سەدیق، کاندیدا ژماره‌ 17ێ ل دهوک بۆ مالپەرێ فەرمیێ پارتى دیموکراتى کوردستان بەحسکر، دێ هەمى پەرژەوەندیێن هەرێما کوردستانێ پارێزم و کار لسەر بدەستەڤەئینانا مافێن مللەتێ کورد کەم و ب تایبەت بجهئینانا مادێ 140.

 

هلز عه‌لی