نێچیرڤان بارزانی بۆ جەماوەرێ دهۆک: ب هەبوونا وە چ لایەن نەشێن پارتی و کوردستانێ بێ هێز بکەن

دهۆک-KDP.info- ئەڤرۆ ئێک شەمبوویێ (٦-٥-٢٠١٨) ب مەرەما پشکداریکرن ژبۆ پشتەڤانیا لیستا ١٨٤ یا پارتی، نێچیرڤان بارزانی جێگرێ سەرۆکی پارتی دیموکراتی کوردستان ل دهۆکێ گۆتارەک پێشکێشکر. نێچیرڤان بارزانی راگەهاند، هندی خەلکێ بادینان و دهۆکا خۆشتڤی هەبیت چ لایەن نەشین پارتی و کوردستانێ بێ هێز بکەن.

ئەڤا ل خوارێ ژی بەشەکی دەقێ گۆتارێ یە.
خۆشک و برایێن رێزدار
جەماوەرێ خۆڕاگرێ پارێزگەها دهۆکا رەنگین
خەلکێ خۆشتڤیێ بادینان
ئیڤارا وە بخێر هووین هەمی ب خێر هاتن سەرچاڤان
گەلەک خۆشحالم ئەڤرۆ ل گەل هەوە خەلکێ سەربلندی دهۆکێ و بادینان...کوردستانا خۆشتڤی بەشداریێ ل کەڕنەڤالا پشتەڤانیا پارتی دکەن بۆ هەلبژاردنێن عیراقێ هەموو لایەک بخێر بێن سەڕچاڤان

ئەم پشت راسیتین کو دێ وەک هەرجار پشتەڤانێی ل پارتی کەن و دێ کچ و کوڕین پارێزگەها خۆ  ب سەقبلندی هنێرنە بەغدایێ دا کو بەرگریێ ژ ماف و دەستکەفتیێن هەرێما کوردستانێ بکەن.

پشتیا راستیا مە یا هندێ یە کو خەلکێ پارێزگەها دهۆکێ و خەلکێ بادینان ژ ز زاخۆ هەتا ئامیدی و ئاکرێ و بەردەرەش و شێخان و سێمێلێ و دهۆکێ ل گەل شنگال و دەشتە نەینەوا هەردەم و مال و چەپەرێن پارتی بووینە، ل خۆشیا و نەخۆشیا ئەو ل گەل پارتی پێکڤە بووینە.

ل سەرانسەری مێژوویا پارتی، پارتی و خەلکێ خۆڕاگرێ بادینان د هەر تشتی دا ئێکبووینە، هەبوون و نەبوونا وان پێکڤە بوویە، ژبەر هندێ مە باوەریا هەی کا ئەم چاوا ل هەرێمێ هەینە، و دێ هەر هەبین ژی کا چاوان پێشمەرگەیێن کوردستانێ و سەرۆکێ خۆشتڤی سەرۆک بارزانی هەرێم ژ داعش و یێن پشتی داعش پاراست ل بەغدا ژی پشت راستبن پشت راستبن خۆرتێن وە و کاندیدێن وە ل بەغدا ژی ب گیانێ پێشمەرگایەتیێ دێ مافێن هەوە پارێزن و دێ پارێزەرێن راستەقینەیێن دەستکەفتێن گەلێ کوردستانێ بن.

پارتی حزبەکا ئیکگرتی و ناڤەندەکا ئیگرتی یا بریارێ یا هەی، حسابا یەکەم حزبا ل سەر ئاستێ کوردستانێ و عیراقێ و هەروەها بۆ پارتی دهێتە کرن، مەرجەعێ پارتی سەرۆک بارزانیە، و شانازیێ ب ڤێ مەرجەعێ دکەین کو ل گەل پێشمەرگەیان بوونە سەمبوولێن شکاندنا داعش کو دڕەندەترین رێکخراوا تیرۆری یا جیهانێ یە د دونیایێ دا.

بەڕیزان، پارتی چەند شانازیێ ب مێژوویا خۆیا پر سەروەری دکەت، وەسان شانازیێ ب سەرکەفتن و دەستکەفتێن ئەڤرۆ ژی دکەت، ئەم سەرفەرازین کو پارتی و پێشمەرگەیین کوردستانێ د ناڤ چار ساڵان دا کوردستان ژ دوو شەڕین مەزن پاراست، پارتی ب کریار ئیسباتکر هندی پارتی هەبیت خەلکێ کوردستانێ دێ یێ پاراستی بیت.

پارتی هووینن و هوین ژی پارتینە، ژبەر هندێ ژی پارتی هەر یە زێندی و سەربلندە، هندی هووین هەنە و هندی دهۆک و بادینان هەبیت، پارتی دێ یا سەربلند و دێ ب سەربلندی ژی مینیتەڤە. پێشمەرگە و جەماوەرێ پارتی دوهی تیرۆرستێن داعش شکاندن، و هندەک پیلانێن نەحەز و نەیارێن ناڤخۆ و ژ دەرڤە بۆ نەهێلانا قەوارەیا سیاسی و دەستووریا هەرێما کوردستانێ ژناڤبرن، و قەهرەمانیا پێشمەرگە و خۆراگریا هەوە و خەلکێ کوردستانێ پیلانێن وان نەحەز و نەیاران بن ئاخکر. ئەوان ژبیرکربوو هندی پارتی خودانا دلسۆزی و جەماوەرەکی وەکو هەوە بیت، پارتی چوجارا ناشکێت، پارتی ناشکێت و پارتی نەشکەستیە و پارتی ب هەبوونا هەوە هەر دێ مینیت سەرکەفتی داکو گەلێ کوردستانێ بگەهیتە وان دەستکەفتێن کو شەهێدێن مە خوینا خۆ بۆ ریتی و زەحمەتا مللەتێ مە دیتی.

هێژایان، ئەو قەهرەمانیا خەلکێ دهۆکێ و بادینان ل سحیلا و تلوسقوف و گەلەک جهێن دی کری وەک چاوان برایێن وە پردێ کری ئەگەر ئەو خۆڕاگری نەبایە یا کو ب تایبەتی کوڕین ڤێ دەڤەرێ کری و گیانێ خۆ کریە قوربانی باوربکەن  ئەڤرۆ ئەم ل ڤێرێ نەدبووین و کەسی نەدزانی پاشەڕۆژا هەرێمی  کوردستانێ دێ چاوان بیت،  ژبەر هندی کوردستان قەرداری خوینا وان شەهیدایە ئەم هەمی بەژنا خۆ دچەمینین بۆ وان شەهیدێن کو ل بەرگیکردنێ ل خاکا کوردستانی گیانێ خۆ کرینە قوربانی،  ئەم ئەڤرۆ سڵاڤ و رێزێن خۆ بۆ وان پێشمەرگەیان دهنیڕین، ئەوێن ل سحیلا و تلسقوف و پردێ بەرگری کری بۆ پاراستنا کوردستانێ، ئەو کی بوون، ئەو کوڕێن مەبوون، کوڕین پارتی بوون بەرگری کرین بۆ کوردستانێ ئەو شانازییە بۆ مە هەمیا و دێ ب شانازی مینیتەڤە.

خەلکێ بادینان ،پێشمەرگەیێن قەهرەمانێن بادینان، ل ڤێ دەڤەرێ ل بادینان و ل ڤی  سنووری سنگێ خۆدانە بەر هێڕشێن داعشێ و ئەو نەهێلان و ل شۆڕەش و سەرهلدانێن کوردستانێ ژی دهۆک و بادینان جهەکی مەزن گرت، شۆرەشا ئەیلوول و شۆرەشا گولانێ سەرهەلدانا سالا نۆت و ئێكی ژی چیرۆکێت قەهرەمانیێن هەوە و داستانێت قەهرەمانیێن پێشەرگەیێن هەوە ل گەلیێ زاخۆ و قەنتارە و زاویتە و چیایی مەتینا و سپیرێز و کانی ماسێ و دیرەلۆک و تلوسقوف و سحیلا، دهۆکا ب دوهی و ئەڤرۆ یا پارتیە و دوهی و ئەڤرۆیا مە پێکڤە گرێددەت زامنێ پێکەڤە گڕیدانا پاشەڕۆژا خەباتا مللەتێ مەنە.

بەشەکێ مەزنێ ڤێ کوردستانێ یا ب سایا خوین و خەباتا و ئێش و ژانێن وە ئاڤابووی، هەوە و پارتی ڤێکرا گەلەک سەروەری بۆ کوردستانێ یێن تۆمارکرین ئەڤرۆ ژی جارەکا دی دێ قۆناغاکا دی دەست پێ کەین و دێ چینە بەغدا بەرەڤانێی ژ مافێ گەلێ کوردستانێ بکەین .

ئامادەبوویێن هێژا، کوردستانیێن خۆشتڤی. ئارمانجا پارتی ئەو بوو ل گەل هەموو لایەنێن کوردستانی بریارەکا پێکڤە بدەن، کا دێ چ دبەرژەوەندییا کوردستانێ دایە، لێ مخابن  هندەک لایەنێن نەحەز یێن  ڤان هەلبژارتنان بخۆ بکەنە دەلیڤەیەک بۆ شکەستنا پارتی ولیدانا پارتی، دا پارتی وکوردستانێ لاواز بکەن، بەلێ دهۆكیێن خۆشتڤی و بادینانا خۆشتڤی ڤێ جارێ ژی وەک هەمی جاران ڤێکرا بۆ وان نەحەزان ئیسبات بکەین کو ئەو نەشین پارتی بشکێنن و ئەو نەشین کوردستانێ لاواز بکەن، وان یا ژبیرکری کو پارتی هندی خودان جەماوەرەکی وەک وە بیت، هندی دهۆک و زاخۆ و ئامێدی و ئاکرێ و شیخان و سێمیل و شنگال و خەلکێ کوردستانێ پالپشتیا پارتی بن ئەو چ جاران نەشین پارتی بشکێنن، نە ئەو دشین پارتی بشکێنن و نە ئەو دکارن کوردستانێ بفرۆشن.

خوشک و برایێن خۆشتڤی.

هندی ئاشتی هەبیت مە هەر گاڤ رێکا ئاشتێێ گرتیە لێ دەمێ مافێ خەلکێ کوردستانێ د‌هێتە خوارن پارتی پێشەنگە بۆ قوربانیدان و خەباتێ، پارتی دشێت دەستبەرداری گەلەک مافێن خۆ بیت بەلێ چ جاران دەستبەرداری مافێن خەلکێ کوردستانێ نابیت.

پارتی باوەریا یا هەی بۆ ئیکرێزیا ناڤماڵیا کوردستانێ بۆ هەمی کوردستانێ هێزەکا مەزنە ژبەر هندی مە ب کریار ئیسباتکریە کو ئیکرێزی بهێتە پاراستن، پارتی داخوازا ئێکڕیزیا لایەنێن کوردستانی دکەت، دا کو هەموو پێکڤە ل بەغدا ببینە هێزەکا مەزن بۆ پاڵپشتی و پاراستنا دەستکەفتێن گەلێ کوردستانێ.
ل بەغدا کوردستانێ هەڤرکێن ئێکوودو نینن، ئەوان هەڤرکیا ل گەل لایەنێن دی هەی و ژبەرهندی پێدڤیە کوردستانی ل بەغدا ب یەک تیم کاربکەن ، و خەباتی بۆ مافێ خەلکێ کوردستانێ یێن دەستووری بکەن نە ئاریشەنە  و کێشین ناڤخۆ ببەنە بەغدا، ئەوین بزاڤ کری و بزاڤێ دکەن داکو  دەستهەڵات و حکومەتا هەرێمێ کوردستانێ هەلوەشینن و کوردستانێ بکەنە چار پاریزگەهــ ل عیراقێ و ئەوێن کاردکەن دۆزا کوردستانێ  بێ بەها بکەن و بکەنە قوربانێن پۆستێن  خۆ بلا باش بزانن دێ سەرێ وان ب چیاییێن بلندێن ئاسێ یێن پارتی کەڤیت، پارتی دێ ب دایکێن شەهیدان و خوینا شەهیدێن خۆ بەرەهەنگاری وان بیت.

بەڕیزان، خەلكی مە هەوە دهۆک و بادینانا خۆشتڤی هەوە زەحمەت یا بۆ کوردستانێ کێشایی، وهووین یێن ئاوارەبووین و هووین یێن شەهیدبووین بابێن هەو یێن ئەنفال بووین بۆ ئازادی و سەرفەرازیێ بۆ ئارامی و ئاڤەدانیا کوردستانێ نە بۆ هیچ مەرەمەکا دی، ئەم باش بارێ گرانێ ژیانا مللەتێ خۆ تێدگەهین لێ دەمێ هەلبژارتن دناڤبەرا نان و کەرامەتی بێ گومان وە یا ئیسباتکری هووین  دێ کەرامەتێ هەلبژێرن بۆ مللەتێ خۆ.

ریزداران، رێزگرتن ل مافێ خەلكی کوردستانێ دێ عیراقێ ژی پارێزیت و ئاڤەدان کەت، و بۆ راگرتنا ئاشتی و ئاڤەدانێێ ل دەڤەرێ پارتی و گەلێ کوردستانێ یێن ب دەستووری رازیبووین کو بۆ جارەسەرکرنا ئاریشەیان بەلێ دەستوورەکی کو بهێتە جێبەجێکرن و رێز لێ بهێتە گرتن و ئەو دەستووری گەلێ کوردستانێ وعیراقی دەنگ بۆ داین و ئەم ب هیڤی و ئاوات ڤەگەریاین بۆ بەغدا بۆ جێبەجێکرنا وی.

پارتی هەردەم یا ڤیایی پەیوەندیێن ئاینی و تەنەتەوەیی برایانە بن ژبەر هندێ ل گەلە یەکەمین پەرلەمان و یەکەمین کابینەیا حکومەتا هەرێمی پارتی هەموو هەوڵ دان مافێن هەموو پێکهاتەیێن ئاینی و نەتەوەیی کوردستانیا ببەنە یاسا و هەموو وەک یەک بهێنە پاراستن، خەلكێ بادینان یێ سەربلندە نموونەیەکا جوان یا پێکڤە ژیانی یا نەتەوەیی و ئاینی یا پاراستی و ل هەوە پیرۆز بیت ئەو رووخسار و رەنگێ جوانێ دەڤەرا بادینان، عەرەب و تورکمان و مەسیحی و کوردێن پاریزگەهێین دیتر یێن عیراقێ و خوشک و برایێن مەیێن ئێزدی و کوردستانێ وەک پەناگەهەک دناسن و د ڕۆژێن تەنگاڤیا ندا بەرێ خۆ داینە کوردستانێ و ئەوژی ئەرکەکی کاندیدێن مەیە دا کو کاربکەن بۆ ڤەگەراندنا وان بۆ جهــ و وارێن وان ب عزەت و کەرامەت.

ئێش و ئازارێن ئێزدییان ئێش و ئازارێن مەنە ئەگەر کێماسییەک هەبیت مافێ وانە گازندەیان بکەن، چونکی مافێ وانە مرۆڤ گازندەیان ژوان دکەن یێن مرۆڤی ماف ل سەر هەی، و ئەم دڤی واریدا خۆ بەرپرس دبینینن، و هەر کارەکی مومکن بیت دێ کەین بۆ هندێ کو ئێزدی و هەموو پێکهاتەیێن دی  ژنهۆ وێڤە د پاشەرۆژا خۆدا د پشت راست بن دڤی وەڵاتەییدا، و هەر وەکی مە بەری نها ژی راگەهاندی دێ کارکەین کو شنگالی بکەینە پاریزگەهەک دا کو داخوازییەکا سەرەکیا خەلکێ شنگال بهێتە جێبەجێکرن.

كــاروان بــــاعەدری