عەلى تەتەر: هەرێم باشترین نموونەیە لە جیهانێ بۆ پەیداکرنا پێکڤەژیانێ

زاخۆ-KDP.info- بەرپرسێ لقێ هەشتێ پارتى دیموکراتى کوردستان ل زاخۆ راگەهاند، هندەک فراکسیونێن کوردى دجڤاتا نوونەرێن عیراقێدا دخولێن بورێدا بەرۆڤاژى پەرژەوەندیا بالا یاهەرێما کوردستانێ کارکریە و بووینە دۆژمنێن سەرەکى بۆ پەرژەوەندیێن مافێن رەوایێن مللەتێ کوردستانێ و تاکە لیستا ل بەغدا دشێت ب دلسۆزى بەرەڤانیێ ژمافێن گەلێ کوردستانێ بکەت پارتى دیموکراتى کوردستانە، دیسان دەمێ عیراقێ کەفتیە بەر مەترسیێ هەمى ئایین و نەتەوا پەنا بۆ هەرێما کوردستانێ ئینا، ژبەر هندێ ئەو ئارامیا ل هەرێما کوردستانێ پەیدا ل کێم وەلاتێن جیهانێ هەیە.

 

د.عەلى تەتەر، بەرپرسێ لقێ هەشتێ پارتى ل زاخۆ و دهەمان دەمدا ئەندامێ جڤاتا سەرکردایەتیێ بۆ مالپەرێ فەرمیێ پارتى دیموکراتى کوردستان گۆت:" هێشتا ئەم ژ چارچوڤەیێ عێراقێدا دژین و هەرێما کوردستانێ پشکەکە ژدەولەتا عیراقێ، ژبەر هندێ پشکداریکرن دهەلبژارتنێن جڤاتا نوونەرێن عیراقیدا گرنگیەکا مەزن هەیە، جونکە ئەم دزانین دخولێن بورێدا هندەک فراکسیونێن کوردى بەرۆڤاژى پەرژەوەندیا بالا یاهەرێما کوردستانێ کارکریە و بووینە دۆژمنێن سەرەکى بۆ پەرژەوەندیێن مافێن رەوایێن مللەتێ کوردستانێ، تاکە لیستا ل بەغدا دشێت ب دلسۆزى بەرەڤانیێ ژمافێن گەلێ کوردستانێ بکەت پارتى دیموکراتى کوردستانە، ژبەر هندێ ئەم یێ خەلکێ خۆ پالددەین پشکدارى دهەلبژارتناندا بکەن، داکۆ جهى بۆ وان کەسێن خیانەت ل دەنگدەرێن کورد کرى ڤالا نەکەین و نەهێلین بدلێ خۆ یاسایان دەربێخن و کارتێکرنێ ل پەرژەوەندیێن کوردستانیان بکەن".

 

بەرپرسێ لقێ هەشتێ پارتى دیموکراتى کوردستان ل زاخۆ بەحسکر، هەرێما  کوردستانێ شیایە ببیتە باشترین نموونە نەک لسەر ئاستێ عیراقێ بەلکو لسەر ئاستێ رۆژهەلاتا ناڤین و جیهانێ بۆ پەیداکرنا ئێمناهى و ئارامیێ و متمانەیا خەلکى ل هەرێما کوردستانێ هەیى لژێر سیبەرا حکومەتا خۆ دبەتە سەر باشترین گرۆڤەیە کۆ پارتى شیایە وى گەش و هەوایى دروست بکەت کۆ نەبتنێ کورد تێدا ب ئازادى دژین بەلکو بوویە دەڤەرەکا ئارام بۆ هەمى ئاین و ئول و نەتەوا و پێکڤەژیانێ لڤى وەلاتى زال بکەت، باشترین نموونە ژى دەمێ ژیانا کوردێن ئیزیدى و تورکمان و عەرەب و سیریان و ئاشورى... هتد ل عیراقێ کەفتیە بەر مەترسیێ پەنا بۆ هەرێما کوردستانێ ئینا، ژبەر هندێ ب باوەرى ڤە دبێژم ئەو ئارامیا ل هەرێما کوردستانێ پەیدا ل کێم وەلاتێن ئورۆپى و ئەمریکا هەیە".

 

دکتورى خویاکر ژى:" کوردستانیان پێدڤى ب ئێکدەنگ و ئێکرێزیێ لبن بانێ جڤاتا نوونەران ل عیراقێ هەیە، بەلێ لسالا 2017ێ مە دیت پارتى دیموکراتى کوردستان بتنێ ما دگۆرەپانێدا و شیا کوردستانێ ب پارێزیت، دیسان تشتەکێ سرۆشتیە لایەنێن سیاسى بۆ روژا سندوقێن دەنگدانێ هەڤریکیێ بکەن، بەلێ دخوازین ل بەغدا دئێکگرتى بن بۆ بهێزکرنا سەنگا کوردان".

 

هەلز عەلى سەلیم