١٩ی تشرینی دووەمی ٢٠٢٦
پارتی دیموکراتی کوردستانئازادی، دیموکراسی، دادپەروەری
کوردستانی

زاخۆ، ناڤەندەکا گەشتیاری و ئابوری یا هەرە گرنگ

سەرچاوە: KDP.info

زاخۆ-KDP. info-  گرنگیپێدانا حکومەتا هەرێما کوردستانێ ب کەرتێ گەشتیاری ل هەرێمێ و تایبەتی ل زاخۆ، زاخۆ کرییە ئێک ژگرنگترین ناوچەیێن گەشتیاری یێن هەرێمێ.

چیا ئەمین، رێڤەبەرێ گەشت و گوزارا زاخۆ دهەڤپەیڤینەکێ دا دگەل kdp.info دبێژیت: “پێشکەفتنا گەشتیاری و ڤەکرنا پرۆژێن گرنگ و ستراتیجی یێن گەشتیاری ل زاخۆ شیا زاخۆ ب گهوریت و رێژەیەکا زێدە یا بلند یا گەشتیاران بەرەف زاخۆ بکێشیت، ل دەمەکێ ژمارا گەشتیارێن زاخۆ ژ ١٠٠ هەتا ٢٠٠ هزار گەشتیاران بوون، و نوکە زاخۆ باژێرەک ملیونی یە، کو گەشتیارێن وێ دساڵێ دا ژملیونێ دەربازدبن”.

 ئەڤ پێشکەفتن و جوانییە نە ب تنێ دیمەنێ باژێری گهوری، بەلکو زاخۆ ژباژێرەکێ ب قەبارەیەکێ سنوردار بەرەف ناڤەندەکا گەشتیاری و ئابووری یا هەرە گرنگ ڤە برییە..

چییا ئەمین دبێژیت: “سەرکەفتنا ئەنجامدانا پرۆژێن ستراتیجی یێن زاخۆ حەزا خەلکێ و وەبەرهێنەران ب تایبەتی گەنجان بۆ ئەنجامدانا پرۆژێن مەزن و بچویک زێدەکرییە، و نوکە مەترسی ژشکەستن و سەرنەکەفتنێ نینە چونکە قەستا خەلکێ بۆ ڤان جهێن گەشتیاری وەک بازارێ پورتومارینا و بازارێ کەڤنێ زاخۆ و دەوروبەرێن کورنیشی و گەلەک جهێن دی زێدەیە”

ل دویف ئامارێن رێڤەبەرییا گەشت و گوزارێ ل زاخۆ بۆ مە دیارکرین هەر ژدەسپێکا ڤەکرنا پرۆژەیێن زاخۆ پشتی بوویە ئیدارا سەربەخۆ، نێزیک ٣٠ هزار دەرفەتێن کاری بۆ خەلکێ پەیدابوینە، هەروەسا ژمارا بنگەهێن گەشتیاری ل سەرانسەری زاخۆ گەهشتینە نێزیک ٣٠٠ جهان، و چیا ئەمین دووپات دکەت کو هەتا ساڵا بهێت ئەڤ ژمارە دێ ٢٠ هەتا ٣٠٪ ژی بلندبیت.

 هەژی گوتنێیە ژوان پرۆژێن دنوکە دا ل باژێرێ زاخۆ دهێنە ڤەکرن رێژەک مەزن ژوان براندێن ناڤخوی و هندەک ژی بیانی نە بو نموونە پرۆژێ پورتو مارینا ٥٠٪ ژپرۆژێن بەژدار خودانێن وێ بیانی نە و براندێن دەرڤەی زاخۆنە بەلکو قەستا زاخۆ کرییە ژبۆ سەرنج راکێشانا پتر بکر و بەژداربوویان.

سەجا شێرزاد-دهۆک

هەواڵی پەیوەندیدار