رەوشەنبیران پالپشتیا دەنگێ مافێن مللەتێ کورد دکەن

 

دهۆک-KDP.info-  رەوشەنبیرێن دهۆکێ راگەهاند، لیستا پارتى دیموکراتى کوردستان یا نەهێلایى باژێر و گوند و دەڤەرێن مە بکەڤنە ژێر زەبرا حەشد و داعشێن هۆڤ، یا نەهێلایى ئاخا کوردستانێ ببیتە هێلینا حەز و داخوازێن وان یێن چەپەل، یا بەرگیریا مێرانە و ناڤدارا پردێ و مەحموودیێ و زومار تۆمارکرى و حەشد و دویڤەلاندکێن وان نەچار کرین سنوورێن خو بزانن ژبەر هندێ دەنگدان ب لیستا 184 دەنگدانە ب ئارامى و دەستکەفتێن مللەتێ کورد.

ئیسماعیل تاهـر، رەوشەنبیر و رێڤەبەرێ پەرتۆكخانا بەدرخانیا ل دهۆکێ بۆ مالپەرێ فەرمیێ پارتى دیموکراتى کوردستان گۆت: ''ژبەرهەمێ خەبات و تێکوشانا دێرینا کوردایەتى و نەهێلانا ستەم و زۆرداریێ و بدەستڤەئینانا مافێن رەوایێن گەلێ کوردستانێ و کارکرن بۆ ئاڤاکرنا بنەمایێ دەولەتا کوردستانێ و کاروانەکێ دوور و درێژێ شەهیدان و قوربانیێن مەزن، دێ دەنگى دەینە لیستا 184ە".

ئیسماعیل تاهر خویاکر: "لیستا پارتى دیموکراتى کوردستان یا نەهێلایى باژێر و گوند و دەڤەرێن مە بکەڤنە ژێر زەبرا حەشد و داعشێن هۆڤ، یا نەهێلایى ئاخا کوردستانێ ببیتە هێلینا حەز و داخوازێن وان یێن چەپەل، یا بەرگیریا مێرانە و ناڤدارا پردێ و مەحموودیێ و زومار تۆمارکرى و حەشد و دویڤەلاندکێن وان نەچار کرین سنوورێن خو بزانن و کوردستان ب پشت وپەنا خودایێ مەزن و پێشمەرگەیێ دلێر و خوراگریا مللەتێ کورد ژ پیلانێن وان رزگارکرى و خو ل وێ پیچکا شانازیا کوردان کریە خودان، دەنگدان بۆ لیستا 184 دەنگدانە بۆ بجهـهاتنا خەونا دێرینا گەلێ کوردستانێ و دابینکرنا پاشەرۆژا گەشاکوردستانێ، پارتى پارتییا دوهى و ئەڤرۆ و پاشەرۆژێ یە وجهێ شانازیا کوردانە ل هەر چار کنارێن دونیایێ یە".

حەسەن جەمانى، نڤیسەر و رەوشەنبیر بۆ مالپەرێ فەرمیێ پارتى دیموکراتى کۆردستان ئاماژەدا: "هەبوونا کوردان دناڤ پەرلەمان و حکومەتا عیراقێدا پێدڤیەکا گرنگە و هەڤسەنگیا سیاسى بهێز دئێخیت و دڤێت هایدارى هەر تشتەکێ بن یێ گرێدان ب کوردستانێ ڤە هەیى، هەرچەندە پشتى سالا 2003ێ، پێکهاتەیێن عیراقێ رۆلێ خۆ دناڤ عیراقێدا دیت، دووڤدا حکومى تائیفگەریێ شیعى زال بوو و بنەمایێن دیموکراتیەتێ ل عیراقێ کەفتنە دمەترسیێدا و مافێن پێکهاتەیان هاتنە پێشلکرن، ژبەر هندێ عیراق بەرەڤ دکتاتوریەتێ ڤەچوو".

حەسەن جەمانى بەحسکر، رەوشەنبیرێ دروست بەرى خەلکێ نورمال د روودانان دگەهیت، ژبەر هندێ گرنگە دەستێ دادپەروەریێ بدانینە د گۆرەپانێدا و دلگرانى و دلمانیا خۆ بداننە لایەکى و دەست ب ئاشکەراکرنا راستیان بۆ خەلکى بکەین، تشتێ هەرە گرنگ هەبوونا کوردان دناڤ سەنتەرێ بریاردانێدا ب ئێکرێزى ئەگەر هندى دیتنێن جودا هەبن، دڤێت بەرەڤانى ژ کیانێ دستورى و بزاڤا بەرەڤانیێ ژ کوردستانێ بکەن تا دەولەتا کوردستانێ دئێتە راگەهاندن".

جەمانى پتر ئاخفت: "وەک ئەرکەکێ نیشتمانى گرنگە رەوشەنبیر بەرى هەلبژارتنان رۆلێ خۆ بگریت  و بۆ خەلکێ کوردستانێ رەوش و سپى ژئێکجودا بکەت و لایەنێ خودان دیرۆک و دەستکەفت و باوەرى و دیرۆک و شەهید و خەمخۆرێ گەل و وەلاتى دەستنیشان بکەن و بلا ژ مالبات و کەس وکارێن خۆ دەستپێبکەن، کۆ وەرگرتنا کارتێن دەنگدانێ و زانینا جه و دەمێ دەنگدانێ پشکەکە ژ دلسوزیا رەوشەنبیران و هەمى تاکە کەسەکى لڤى وەلاتى، دەنگدان ب لیستا 184 دەنگدانە ب ئارامى و دەستکەفتێن مللەتێ کورد".

هەلز عەلى سەلیم