کوردێن فەیلى: پارتى پێشخەر بوویە لسەر داکوکیکرنێ لسەر مافێن هەمى پێکهاتەیان ل عیراقێ

دهۆک-KDP.info- پارتى دیموکراتى کوردستان پێشخەر بوویە لسەر داکوکیکرنێ لسەر مافێن سیاسى و ئیدارى و کەلتورى یێن هەمى پێکهاتەیان (تورکمان، سریان، ئەرمەن کلدان، ئاشۆرى مافێن کوردێن ئیزیدى و فەیلى) ل عیراق و هەرێما کوردستانێ،  هیچ حزبەکا دیتر ژبلى پارتى هەبوونا خۆ دناڤ فەیلیاندا نینە ژلایێ رێکخستنا سیاسى و دەنگدەران ڤە.

رزگار کێستەیى، چاڤدێرێ سیاسى بۆ مالپەرێ فەرمیێ پارتى دیموکراتى کوردستان ئاخفت:" هەر ژ نڤیسینا دستورێ هەمیشەیى یێ عیراقێ بۆ سالا 2005ێ، هێزا بەهرا پتر داکوکى لسەر مافێن کێم نەتەوەیان کرى پارتى دیموکراتى کوردستان بوویە، ژبەر پارتى هێزەکا جەماوەریە و هەمى پێکهاتەیان (ئاشور و کلدان و سیریان و فەیلى... هتد) رۆلێ خۆ تێدا دبینیت و بیێ جوداهى، ژبەر هندێ پێکڤەژیان ل هەرێما کوردستانێ پاراستیە و ئەڤە ئیستراتیجیەتا پارتى یە، دیسان ل پەرلەمانێ کوردستانێ ژى هەردەم پارتى پێشخەر بوویە بۆ پالپشتى و بەرەڤانیکرن ژ مافێن هەمى پێکهاتەیێن کوردستانێ".

ئاراس جەواد، رۆژنامەنڤیس و چالاکڤانێ مەدەنى یێ فەیلى گۆت:" دحکومەتێن جودادا ل عیراقێ فەیلى ئێک ژوان پێکهاتەیان بووینە تووشى کاراساتا جینوسایدێ بووین کۆ هەولا ژناڤبرنا ناسنامە و کەلتورێ کوردێن فەیلى هاتیەکرن تا سالا 2005ێ، سەرارایێ گهورینا حوکمرانیێ ل عیراقێ بەلێ کوردێن فەیلى هەر مافێن خۆیێن رەوا نەدیتن و لژێر زولما حکومەتا عیراقێ ماینەڤە و ئەڤ زولمە ل هەمى پێکهاتەیێن دیتر (کوردێن شەبەک، کوردێن ئیزیدى، سریان، کلدان، ئاشور، تورکمان ئەرمەن)  دئێتەکرن".

چالاکڤانێ مەدەنى یێ فەیلى بەحسکر، بەرپرسیاریەتیا دابینکرنا مافێن کوردێن فەیلى و قەرەبووکرنا وان ژئەنجامێ جینوسایدکرنا فەیلیان دستویێ حکومەتا عیراقێ یە، بەلێ تا نوکە هیچ بۆ کوردێن فەیلى نەکریە، حکومەتا هەرێما کوردستانێ و ب تایبەت سەرۆکێ حکومەتێ (نیچیرڤان بارزانى) داکوکى لسەر مافێن سیاسى و ئیدارى و کەلتورى یێن فەیلیان کریە و ب تایبەت ل دادگەها بلندا تاوانان ل عیراقێ، کۆ هەمى هەولدان کرینە کەیسێ جینوسایدکرنا فەیلیان ل دادگەهێ ب سەرکەفیت.

ئاراس جەواد، پتر زەلالکر:" کوردێن فەیلى ریشەکا دیرۆکى دگەل پارتى دیموکراتى کوردستان هەیە، کۆ خەباتەکا مەزن بۆ پارتى ل بەغدا و دەڤەرێن فەیلى تێدا ئاکنجى ئەنجامدایە، دیسان چەندین پوستەیێن حزبى و حکومى ژلایێ پارتى ڤە ب کوردێن فەیلى هاتینەدان و گرنگیەکا تایبەت ب کوردێن فەیلى ژلایێ پارتى ڤە هاتیە کرن".

رۆژنامەنڤیسێ فەیلى ئاماژەدا:" پارتى داکوکى و خۆ ب خودانا کوردێن فەیلى دیتیە و دەڤەرێن دەرڤەیى هەرێما کوردستانێ هیچ حزبەکێ ژبلى پارتى هەبوونا خۆ دناڤ فەیلیاندا نینە ژلایێ رێکخستنا سیاسى و دەنگدەران ڤە، ژبەر هندێ کوردێن فەیلى ل خانقین و دەڤەرێن دیتر یێن کوردستانى و  فەیلى یێن ژبەر نە ئارامیا بارودۆخێ ئەمنى ل بەغدا ئاوارەیى هەرێما کوردستانێ بووین زورینە هەر زۆر دێ دەنگ ب لیستا 184 دەن".

هەلز عەلى سەلیم