کرێکارێن دهۆکێ: درۆژا جیهانیا کرێکارندا پالپشتیا خۆ بۆ لیستا 184 دیارکر
دهۆک-KDP.info- کرێکارێن دهۆکێ درۆژا جیهانیا کرێکارندا راگەهاند، ئەرکە لسەر ملێن مە پشکداریێ د هەلبژارتنێن جڤاتا نوونەرێن عیراقێ بکەین و رێژەیا دەنگێن مللەتێ کورد بلند بکەین داکۆ ئەڤ دەستکەفتێن ددەستێ مەدا مایین ژناڤنەجن، دەنگێ مە ژى بۆ لیستا 184ە.
ئەحمەد دوسکى، کرێکارەک ل دهۆکێ بۆ مالپەرێ فەرمیێ پارتى دیموکراتى کوردستان گۆت:" هەلبژارتنێن جڤاتا نوونەرێن عیراقێ بۆ من نەدگرنگێن هندى بۆ من بهێزکرنا پێگەهێ کوردان ل بەغدا گرنگ ژبۆ داکوکیکرن ژ مافێن رەوایێن مللەتێ کورد، بێگۆمان پارتى دیموکراتى کوردستان هەر دەس پێشخەر بوویە بۆ پاراستنا هەمى ماف و دەستکەفتێن مللەتێ کورد و کوردستانێ، ژبەر هندێ دەنگێ من بۆ لیستا 184ە".
ئامینا ئەحمەد، کرێکارەکا دیتر بۆ مالپەرێ فەرمیێ پارتى دیموکراتى کوردستان بەحسکر، ڤى مللەتێ ب سەدان ژن و زەلام و زارۆک پێخەمەت ئازادیا کوردستانێ کرینە قوربان، ئەڤرۆ ژى ئەرکە لسەر ملێن مە پشکدارى هەلبژارتنان بین و رێژەیا دەنگێن مللەتێ کورد بلند بکەین داکۆ ئەڤ دەستکەفتێن ددەستێ مەدا مایین ژناڤنەجن، ئەز کرێکارم و شۆلا من نە سیاسەتە بەلێ مللەتێ من مەزنترە ژ هەمى تشتەکێ دیتر، دێ دەنگێ خۆ ددەمە پارتى دیموکراتى کوردستان.
ئەحمەد هوگر، گەنجەکێ کرێکار بۆ مالپەرێ فەرمیێ پارتى دیموکراتى کوردستان خۆیاکر:" من گەلەک هیڤى و ئۆمێد دژیانا خودا هەنە، بەلێ ژیانەکا بن دەستى ناهەلبژێرێم داکۆ خوڤرۆشەک مفادار بیت، ئەڤرۆ دڤێ ئارامى و ئێمناهیا ئەز تێدا کارێ خۆ ئەنجامددەم ڤەدگەریت بۆ وێ قوربانیا خەلکێ کوردستانێ لژێر سیبەرا پارتى کرى، ژبەر هندێ دەنگێ من بۆ لیستا سەر ب سەرۆک مەسعود بارزانى ڤەیە".
خەتاب موسا، خودانێ دوکانەکێ بۆ مالپەرێ فەرمیێ پارتى دیموکراتى کوردستان زەلالکر:" گەلەک کێماسى لڤى وەلاتى هەنە، سەرارایى هندێ چ لایەنەکێ سیاسى ژ پارتى دیموکراتى کوردستان باشتر نەبووینە ژبۆ پاراستنا دەستکەفتێن مللەتێ کورد و بەرەڤانیکرن ژ کوردستانیان و دۆزا مللەتێ کورد و داکوکیێ ل مافێن کرێکاران بکەت، ژبەر هندێ دەنگێ من بۆ لیستا 184ە".
1ێ ئەیارا 1886ێ، دناڤبەرا 350 تا 400 هزار کرێکاران ل شیکاغو دەست ژ کارى بەردا و داخواز ژدەستهەلاتا خۆکر 8 دەمێژمیر بۆ شولى بن و 8 دەمێژمیر بۆ بێهنڤەدانێ بن و 8 دەمێژمیر بۆ نڤستنێ بن، ژبەر هەندێ ئەڤ دیرۆکە بۆ رۆژا جیهانیا کرێکاران و ل پرانیا وەلاتێن دونیایێ ئەڤ رۆژە دبیتە بێهنڤەدانا فەرمى ل هەمى دام و دەزگەهان.
هەلز عەلى سەلیم
