هەولاتیێن کوردستانێ: پارتى پێشخەر بوویە بۆ پاراستن و بەرڤانیکرن ژهەمى نەتەوە و ئاینان

دهۆک-KDP.info- هەولاتیێن کوردستانێ دبێژن، ل عیراقێ برێکا تیرۆرکرنێ چەندین جارا کێم نەتەوە تووشى مەترسیێ بووینە، بەلێ ل هەرێما کوردستانێ ب ئیستیراتیجیەت و ب پرنسیپێ هەولاتیبوونێ پارتى دیموکراتى کوردستان بەرێخودایە هەمى پێکهاتەیان وەک کوردستانى، ژبەر ڤێ ئێکێ دەنگێ مە بۆ لیستا 184ە.

نیبار کێڤلى، چاڤدێرێ سیاسى بۆ مالپەرێ فەرمیێ پارتى دیموکراتى کوردستان گۆت:" ل عیراقێ برێکا تیرۆرکرنێ چەندین جارا کێم نەتەوە تووشى مەترسیێ بووینە، بەلێ ل هەرێما کوردستانێ ب ئیستیراتیجیەت ب پرنسیپێ هەولاتیبوونێ پارتى دیموکراتى کوردستان بەرێخودایە هەمى پێکهاتەیان وەک کوردستانى، کۆ هەر دەم پارتى هەولادایە مافێن هەمى نەتەوە و ئاینان ب پارێزیت و مافێن وان وەکو کوردستانێ بدەستڤە بینیت و ئەڤە چەندە بوویە ژیوارەکێ ئاشکەرا برێکا پارێزەرێ کوردستانێ (مەسعود بارزانى) سەرۆکێ پارتى دیموکراتى کوردستان، مافێن پێکهاتەیێن (کلد و ئاشور و سیریان و تورکمان... هتد) ل عیراقێ بچەسپینیت و بکەتە بەندەکێ دستورى و پێکڤەژیانا نەتەوەیى و ئایینى ل هەرێما کوردستانێ پارێزیت، ژبەر هندێ ئارامیا دەروونى لدەڤ هەمى کوردستانیان پەیدا بوویە".

چاڤدێرێ سیاسى بەحسکر، هەرێما کوردستانێ سەرەدەریەکا جودا ژ عیراقێ دگەل هەمى نەتەوەیان کریە، تا نوکە ل عیراقێ زاراڤێ پێکهاتە ب کێم نەتەوە دئێتە بکار ئینان، بەلێ پارتى ئەو ناسناڤ بوو وان گهورى و بووینە پێکهاتە و کوردستان کریە نیشتیمانێ هەمى کوردستانیان و هەمى نەتەوە و ئایین دباوەشا هەرێما کوردستانێ گەهشتنە ئاستەکێ بلند بوو وەرگرتنا پوستەیان، دیسان ئەڤێن ئاوارەیى کوردستانێ ژى بووین هاتینە وەرگرتن ل زانکۆ و قۆتابخانێن هەرێمێ و بەرەڤانى ژ هەمى مافێن وان هاتیەکرن، وەکو هەر تاکە کوردەکى لگۆر دستورى، کۆ پارتى شیایە ئارامیەکا جڤاکى ل هەرێما کوردستانێ پەیدا بکەت و هەمى پێکهاتە هەست ب ژیانبوونا خۆ بکەن".

هەیسەم ئیلیاس، مامۆستانیەکێ سەرەتایى ژ نەتەوا کلدان بۆ مالپەرێ فەرمیێ پارتى دیموکراتى کوردستان خویاکر:" پارتى تاکە حزبە دێ شێت رۆلێ خویێ راستەقینە بۆ پاراستنا مافێن پێکهاتەیێن کوردستانێ گرێت، جونکە بەرى نوکە ژى هەمان هەلویست هەبووینە بەرامبەر کێم نەتەوە و هەمى ئاینان بیێ جوداهیى، ژبەر هندێ دێ دەنگێ خۆ دەمە لیستا 184".

موشاد جردو، هەولاتیەکێ ئیزیدى زەلالکر:" بۆ پاراستن و ئارامیکرن و دابینکرنا ژیانەکا ب ئیمناهى، هەر دەم پارتى پێشخەر بوویە بۆ پاراستن و بەرڤانیکرن ژ هەمى نەتەوە و ئایینن ل هەرێما کوردستانێ دژین بیێ جیاوازى، ژبەر ڤێ ئێکێ دەنگێ مە بۆ لیستا بهێزکرنا قەوارێ کوردستانێ یە ل بەغدا، لیستا 184".

هەلز عەلى سەلیم