هەڤوەڵاتیان: دەنگێ مە بۆ لیستا ١٨٤ـە چونکی ئارمانجێن وێ پرسێن نەتەوەیی نە
دهۆک-KDP.info- هەڤوەڵاتیێن پارێزگەها دهۆکێ ددەنە خویاکرن کو ئەو دێ دەنگێ خۆ دەنە وێ لیستێ یا سەرۆکێ وێ د سەنگەرێن بەراهیێ یێن شەڕی دا بیت یێن کو شەرەف و کەرامەتا تاکێ کورد پاراستین. لیستا شەهیدان یا ١٨٤ـێ یا کو ل هەمبەری مەزنترین تیرۆری راوەستیایی و ژناڤبری و ئارمانجێن وێ پرسێن نەتەوەیی نە.
بشار لەزگین، چاڤدێرێ سیاسی، بۆ ماڵپەرێ فەرمیی یێ پارتی دیموکراتی خویاکر، کو ئەو دێ دەنگ دەنە لیستا پارتی دیموکراتی کوردستان یا ١٨٤ چونکی ئەڤ لیستە بوو بەرگری ژ مافێ مللەتێ کورد کری و بـ هەموو شێوەیان نەهێلایی داعش بگەهیتە هەرێمێ و ژناڤبر و نها ژی د پرسێن نەتەوەیی دا ل پێشەنگە و ژبەر هندێ مە بڕیاردایە کو ب هەموو شێوەیان ل گەل بین و سەربێخین.
ناڤهاتی دیار ژی کر، نها پارتی یە هەڤسەنگا سیاسی یا کورد ل جیهانێ بهێزکری و پارتی بوو خودانا داستانا پردێ و سحێلا و ئەو بوون ئەبرامز تێکشکاندین.
هەر دڤی بیاڤی دا بەختیار قادر رۆژنامەنڤیس ل دهۆکێ بۆ ماڵپەرێ فەرمیی یێ پارتی دیموکراتی کوردستان گۆت: لیستا پارتى دیموكراتى كوردستان لیستا خوونا جانگۆریانه و زامنكرنا چاره‌نڤیسێ كوردستانێ یه، ژبه‌ركو ب هه‌زاران قوربانى داینه پێخه‌مه‌ت پاراستنا كه‌رامه‌تا مرۆڤێ كورد و ئاخا كوردستانێ و هه‌موو پیكهاته‌یان بێ جوداهى و شكه‌ستن ب پیلانێن نه‌حه‌ز و نه‌یارو دوژمنان ئینایه و ملله‌تێ كورد ب گشتى ژ زۆرداریێ قورتالكریه و گرۆڤه بۆ ڤێ چه‌ندێ ب تایبه‌ت ده‌ما رێكخراوا تیرۆرستى یا داعشێ لسه‌ر ده‌ستێ پێشمه‌رگه‌یێن كوردستانێ و پارتى هاتى شكه‌ستن و ژناڤبرن،كارێ لیستێ دبینن ئاڤه‌دانكرن و پاراستن و ئێكرێزیا ملله‌تێ كورده ل هه‌ر چار پارچێن كوردستانێ و هه‌لگرا ده‌ستكه‌فتیێن زێده‌تره ژبۆ گه‌لێ كوردو ژپێناڤێ ب ده‌ست خستنا مافێن گه‌لێ كوردو سه‌ربه‌خۆبوونا كوردستانێ ڤه‌گه‌راندنا ده‌ڤه‌رێن ده‌رڤه‌ى ئیدارا هه‌رێمێ خه‌باتێ دكه و ئه‌ڤ یه‌ك ژى خویایه ده‌ما كو ریفراندۆما كوردستانێ هاتى ئه‌نجام دان.
هەڤدەم ژی رۆژنامەنڤیس ئەمیر ئەترووشی بۆ ماڵپەرێ فەرمیی یێ پارتی دیموکراتی کوردستان گۆت:'' پارتى رێنیشاندەرێ ژیانا من بوویه، ئەز فێركرم چاوا دژیانێ بگەهم و چاوا هزر دژیانەكا پر خۆه‌ش و سەرفەراز بكەم و چاوا بزانم نەتەوه چیه و مرۆڤەكى دلسوزو وەفادارو كوردپەروەربم ژ بۆ هندێ من وەكو كەس و پاشان وەك خێزان پاشەروژەكا گەش هەبیت و وه ل من كر ژ دل و جان حەز ژ پەیڤەكێ ب تنى بكەم، ئەو ژى كوردستانه و دەنگدان بۆ لیستا ١٨٤ شانازیه.
دیار ژی کر، دەنگێ مە بۆ وێ لیستێ یە یا سەرۆکێ وێ د سەنگەرێن بەراهیێ یێن شەڕی دا بیت یێن کو شەرەف و کەرامەتا تاکێ کورد پاراستین.
پارتی دیموکراتی کوردستان ب لیستا ١٨٤ و ل ژێر دروشمێ دەستکەفتێن زێدەتر ژبۆ کوردستانێ پشکداری د هەلبژارتنێن جڤاتا نوینەرێن ئیراقێ کریە.
بریارە ل ١٢ـی ٥ ـی ئەڤ ساڵە هەلبژارتنێن ئیراقێ بهێنە کرن و نها بانگەشەیا هەلبژارتنان ژی دەستپێکریە.
کـــاروان بـــاعەدری
