کاندیدێن پارتى ل دهۆکێ: هەردەم گەل ژهەر تشتەکی گرنگتره
دهۆک-KDP.info- کاندیدێن پارتى ل دهۆکێ راگەهاند، دستورێ عیراقێ تاکە رێکا جارەسەرکرنا کێشەیانە دناڤبەرا حکومەتا هەرێما کوردستانێ و حکومەتا مەرکەزى ژبۆ بدەستڤەئینانا مافێن هەمى پێکهاتەیێن کوردستانێ، ژبەرڤێ ئێکێ لیستا 184یا پارتى دیموکراتى کوردستان دێ شێت وان مافان بدەستەڤە ئینیت، دیسان ئەڤجارە شەرێ کوردان ل بەغدا دێ دژواتر بیت ژ جارێن دیتر ژبۆ بدەستڤەئینانا مافێن کوردستانیان.
د. ڤیان سەبرى، کاندیدا ژمارا ئێک و سەرۆکا لیستا 184 ل دهۆکێ بۆ مالپەرێ فەرمیێ پارتى دیموکراتى کوردستان بەحسکر، دى هەمى شیانێن خوه یێن سیاسى ودبلوماسى ورەشەنبیرى تەرخانکەم بو بهیزکرنا گوتار وقەوارێ سیاسى ورول وسەنگى هەرێما کوردستانى، دێ بەرەڤانیێ ژمافێن دەستوریێ ودەستکەفتا ریفراندومێ وخوینا شەهیدان وپیشمەرگان و بەرەڤانێ ژمافێ ئافرەتان کەم، پالپشتیا نەخوشخانە وبنگەهین ساخلەمیى یێن حكومى كەم.
د.ئەحمەد سلیمان، کاندیدێ ژمارا 2ێ پارتى ل دهۆکێ بۆ مالپەرێ فەرمیێ پارتى دیموکراتى کوردستان خویاکر:" لگۆر تایبەتمەندیا خۆ کار لسەر کەلتورێ دارایى و ئابۆرى ل بەغدا کەم، کۆ ئەو مافێن دارایى ل بەغدا دماوەیێ 13 سالادا هاتینە پێشلکرن و ئەو پارێ عیراقێ ب خەرجێن حاکم و سیادێ لسەر هەرێما کوردستانێ هژمارتین و کوردان چ پەیوەندى پێڤە نەبوویى بدەستڤە بینین، دیسان وێ جوداهییا دناڤبەرا بهایێ نەفتێ و بودجێدا دیار بکەین، ژبلى ئەو بودجا چوار سالا ژلایێ عیراقێ ڤە نەهاتیە رەوانەکرن بۆ هەرێما کوردستانێ بکەینە بەلگەکا یاسایى و لگور دستورێ بدەستڤە بینین".
دیار تەیب، کاندیدێ ژمارا 3ێ لیستا 184 بۆ مالپەرێ فەرمیێ پارتى دیموکراتى کوردستان بەحسکر، دێ کار بوو گرێدانا پەیوەندیەکا ساخلەم دناڤبەرا حکومەتا مەرکەزى و هەرێما کوردستانێدا کەین لسەر بنیاتێ تەوافقى و بدەستڤەئینانا مافێن مللەتێ کورد یێن جهێ گرنگیدانا هەولاتیێ کوردستانێ.
بەیار تاهر، کاندیدێ ژمارا 4ێ پارتى ل دهۆکێ بۆ مالپەرێ فەرمیێ پارتى دیموکراتى کوردستان گۆت:" دێ کار لسەر بجهئینانا دستورى کەم ب تایبەت ئەو بەندێن گرێدایى دامەزراندنا دەزگەهێن دستورى و یاسایى و دانانا دادگەها فیدرالى ب شێوەکێ دروست و کاراکرنا بەندێ 105- 106- 107ێ یێن دەولەتا عیراقێ دکەنە دەولەتەکا فیدرالى".
شەپال حەسەن، کاندیدا ژمارا 5ێ پارتى ل دهۆکێ بۆ مالپەرێ فەرمیێ پارتى دیموکراتى کوردستان زەلالکر:" هەبوونا من ل بەغدا کاراکرنا بەندێ 15ێ دستورێ یە، کۆ بەحس ل ئازادى و ئێمناهى کریە و مافێن هەمى پێکهاتەیێن عیراقێ تێدا دپاراستى نە، كار ژبۆ بدەستڤەئینانا مافێن جوتیار و پێشمەرگە و شەهید و ئەنفالکریان كەم".
د.عەبدولرەحمان سلیمان، کاندیدێ ژمارا 6ێ لیستا 184 بۆ مالپەرێ فەرمیێ پارتى دیموکراتى کوردستان خۆیاکر:" ئارمانجا پارتى ئەنجامێن ریفراندۆمێ بهێنە بجهئینان و دێ کار لسەر ڤێ ئێکێ کەم ژبۆ دامەزراندنا دەولەتا کوردستانێ".
د.عەبدولرەحمان عومەر، کاندیدێ ژمارا 7ێ پارتى ل دهۆکێ بۆ مالپەرێ فەرمیێ پارتى دیموکراتى کوردستان ئاخڤت:" بەرنامێ پارتى دیموکراتى کوردستان یێ روونە و دێ کار لسەر وێ کارناما ژلایێ پارتى ڤە هاتیە دارشتن کەم ژبۆ بدەستڤەئینانا مافێن کوردستانیان".
فاخر حەسەن، کاندیدێ ژمارا 8ێ پارتى بۆ مالپەرێ فەرمیێ پارتى دیموکراتى کوردستان دیارکر:" شەرێ مە دگەل عیراقێ شەرەکێ نەتەوەییە، دێ کار لسەر پرسێن نەتەوەیى کەم، هەر دەما پرۆژەیێ نەتەوەیى جهێ خۆ گرت دێ ب ساناهى مافێن ئابۆرى و سیاسى وەرگرین".
شیلان سامر، کاندیدا ژمارا 9ێ لیستا 184 بۆ مالپەرێ فەرمیێ پارتى دیموکراتى کوردستان ئاماژەدا:" دێ هەولدەم گرنکێ بدەمە مافێن هەمى پێکهاتەیێن کوردستانیان، ژ ئەرمەن و تورکمان و ئاشۆر و سیریان و...هتد، و پێکڤەژیانا ل کوردستانێ لسەر بنیاتێ شەراکەتێ یێ پاراستى بیت و مافێن هەر پێکهاتەیەکى لگۆر دستورى بهێنە وەرگرتن".
عومەر عەلى، کاندیدێ ژمارا 12ێ پارتى دیموکراتى کوردستان شرۆڤەکر، دێ کار لسەر کارنامەیا پارتى کەت ژبۆ بدەستڤەئینانا مافێن دستوریێن هەرێما کوردستانێ و تومامکەرێ خەباتا پێشمەرگە و شەهیدێن کوردستانێ بیت.
روناک عەلى، کاندیدا ژمارا 13ێ لیستا 184 بۆ مالپەرێ فەرمیێ پارتى دیموکراتى کوردستان گۆت:" دێ کارکەم ژبۆ رزگارکرنا ژنێن ئیزیدى یێن دەستێ داعشێدا و ڤەگەراندنا خەلکێ ئاوارەیێ بۆ لسەر جهێ خۆ و ناساندنا جینوسایدا ئیزیدیان ل ناڤەندێن جیهانێ".
نورى رەمەزان، کاندیدێ ژمارا 14ێ لیستا 184 بۆ مالپەرێ فەرمیێ پارتى دیموکراتى کوردستان خویاکر:" پارتى هەردەم کار بۆ بدەستەڤەئینانا مافێن مللەتێ کورد ل عیراقێ کریە، دێ کار لسەر بجهئینانا ڤێ ئارمانجێ کەم، ب تایبەت مافێن بریندار و شەهید و فەرمانبەرێن کوردستانێ".
هندرین لەزگین، کاندیدێ ژمارا 15ێ لیستا 184 بۆ مالپەرێ فەرمیێ پارتى دیموکراتى کوردستان گۆت:" کار لسەر بدەستەڤەئینانا مافێن هەولاتیێن کوردستان و دەستکەفتێن زێدەتر ل عیراقێ کەم و فشارێ ژبۆ بجهئینانا هەمى برگەیێن دستورى ئێخمە لسەر پەرلەمانێ عیراقێ".
د. شەوکەت زین العابدین، کاندیدێ ژمارا 16ێ لیستا 184 بۆ مالپەرێ فەرمیێ پارتى دیموکراتى کوردستان ئاماژەدا:" هەمى شیانێن من ل بەغدا بۆ بدەستەڤەئینانا مافێن مللەتێ کوردن لگور دستور و یاسا و شەریعەتى، ب تایبەت رێکخستنا پێشمەرگەیى ژروویێ لەشکەرى و مادیڤە، دیسان پاراستن و بهێزکرنا پێگەهێ هەرێما کوردستانێ لسەر ئاستێ عیراقێ و نیڤدەولەتى".
هەیفا سەدیق، کاندیدا ژمارا 17ێ ل دهوك بۆ مالپەرێ فەرمیێ پارتى دیموکراتى کوردستان بەحسکر، هەمى پەرژەوەندیێن هەرێما کوردستانێ پارێزم و کار لسەر بدەستەڤەئینانا مافێن مللەتێ کورد کەم و ب تایبەت بجهئینانا مادێ 140.
تەحسین حەسەن، کاندیدێ ژمارا 18ێ لیستا 184 بۆ مالپەرێ فەرمیێ پارتى دیموکراتى کوردستان گۆت:" دێ کار لسەر بجهئینانا مادێ 140ێ دستورى و مافێن پێشمەرگەیى وەک رێکخستیەکێ لەشکەر کەم".
د.ئارام ناجى، کاندیدێ ژمارا 19ێ لیستا 184 بۆ مالپەرێ فەرمیێ پارتى دیموکراتى کوردستان گۆت:" ژبەرکو هەردەم گەل ژهەر تشتەکی گرنگتره، ژبەر هندێ هەمی هەولێن خۆ مەزێخم ژبو بەرەڤانیکرنێ ژمافێن دستوریێن گەلێ کوردستانێ، پێدڤییه دەستهەلات رەنگڤەدانا راستەقینەیا هیڤی و ئومێدێن گەلی بیت، ئەڤه دێ بیته رێبازا مه دکارێ سیاسیدا ل بەغدا".
ئامینا محەمەد، کاندیدا ژمارا 20ێ پارتى ل دهوك بۆ مالپەرێ فەرمیێ پارتى دیموکراتى کوردستان زەلالکر:" داکوکیێ لسەر مافێن ئافرەت و زارۆک و سیستەمێ خواندنێ ل بەغدا کەم، دیسان کار لسەر بجهئینانا وان مادێن دستورى یێن نەهاتینە بجهئینانا کەم".
دالیا فەرهاد، کاندیدا ژمارا 21ێ لیستا 184 بۆ مالپەرێ فەرمیێ پارتى دیموکراتى کوردستان ئاخڤت:" دێ کار لسەر بلندکرنا ئاستێ تەندروستى و بدەستەڤەئینانا مافێن کوردان ل بەغدا کەم".
وەسفیا محەمەد، کاندیدا ژمارا 22ى لیستا 184 بۆ مالپەرێ فەرمیێ پارتى دیموکراتى کوردستان بەحسکر، دێ کار لسەر بدەستڤەئینانا مافێن مالباتێن شەهید و پێشمەرگەیى و ئاڤاکرنا کوردستانێ ژ هەمى روویەکێ ڤە کەم".
هەلز عەلى سەلیم
