ئوسامه نوجێفى سه‌رخۆشى له نێچیرڤان بارزانى ده‌كات
هه‌ولیر-KDP.info- ئوسامه عه‌بدولعه‌زیز نوجێفى جێگرى سه‌ركۆمارى عێراقى فیدرال، بۆ گه‌یاندنى پرسه و سه‌ره‌خۆشى و ده‌ربڕینى هاوخه‌مى و هاوده‌ردى خۆى بۆ كۆچى دواییى خوالێخۆشبوو دلۆڤان ئیدریس بارزانى، ئێواره‌ى ئه‌مڕۆ سێشه‌ممه 3/4/2018 په‌یوه‌ندییه‌كى ته‌له‌فۆنى به نێچیرڤان بارزانى، سه‌رۆك وه‌زیرانى هه‌رێمى كوردستانه‌وه كرد.
نوجێفى، وێراى سه‌ره‌خۆشى و ده‌ربڕینى هاوخه‌مى و هاوده‌ردى بۆ كۆچى خوالێخۆشبوو، هیواى خواست خواى گه‌وره جێگه‌ى بكاته به‌هه‌شت و ئه‌مه دوایین كۆستى خانه‌واده‌ى بارزانى بێت.
نێچیرڤان بارزانییش، سوپاس و پێزانینى خۆى بۆ نوجێفى ده‌ربڕى.
