ئه‌نجومه‌نی ئاسایش له‌سه‌ر دۆخی عێراق کۆده‌بێته‌وه
ئاژانسەکان-KDP.info- بڕیاره ئه‌مڕۆ، ئه‌نجومه‌نی ئاسایشی نه‌ته‌وه یه‌کگرتووه‌کان، کاتژمێر ١٠ی پێشنیوەڕۆ به کاتی نیویۆرک کۆبوونەوەیەک ڕێک بخات، کە تێیدا بارودۆخی عێراق و کۆتاییی شه‌ڕی داعش تاوتوێ بکرێت.
نه‌ته‌وه یه‌کگرتووه‌کان ڕایگه‌یاند، ئه‌مڕۆ دووشه‌ممه، ئه‌نجومه‌نی ئاسایشی نه‌ته‌وه یه‌کگرتووه‌کان بۆ تاوتوێی بارودۆخی عێراق و کۆتاییی شه‌ڕی داعش و بارودۆخی دوای شه‌ڕ کۆده‌بێته‌وه. هه‌روه‌ها ڕایگه‌یاند، له کۆبوونه‌وه تایبه‌ته‌که‌ی ئه‌نجومه‌نی ئاسایشدا (یان کوب)، نوێنه‌ری سکرتێری گشتیی نه‌ته‌وه یه‌کگرتووه‌کان له عێراق، وتارێک له‌سه‌ر دوایین گۆڕانکارییه‌کانی عێراق پێشکه‌ش به ئه‌ندامان ده‌کات.
