"سەرۆکی هەرێمی کوردستان لە رووداوەکانی کۆمەڵگەی خانەسۆر زۆر نیگەرانە؛ هیچ لایەنێك بۆی نییە دەست بخاتە ناو كاروباری هەرێم"
هەولێر-KDP.info- گوتەبێژی فەرمیی سەرۆکایەتی هەرێمی کوردستان رایدەگەیەنێت، لەبارەی ڕووداوەكانی ڕۆژی هەینی 3ـی 3ـی 2017 لە كۆمەڵگەی خانەسۆر لە دەڤەری شنگال، سەرۆكی هەرێمی كوردستان زۆر نیگەران و خەمبارە بەم ڕووداوانە و تەوجیهاتی پێویستیشی ئاراستەی لایەنە پەیوەندیدارەكان و وەزارەتی پێشمەرگە كردووە بۆ ئەوەی كۆنتڕۆڵی بارودۆخەكە بكرێت و نەهێڵن تەشەنە بكات.
دەقی لێدوانی گوتەبێژی فەرمیی سەرۆکایەتی هەرێمی کوردستان:
لەبارەی ڕووداوەكانی ڕۆژی هەینی 3ـی 3ـی 2017 لە كۆمەڵگەی خانەسۆر لە دەڤەری شنگال، سەرۆكی هەرێمی كوردستان زۆر نیگەران و خەمبارە بەم ڕووداوانە و تەوجیهاتی پێویستیشی ئاراستەی لایەنە پەیوەندیدارەكان و وەزارەتی پێشمەرگە كردووە بۆ ئەوەی كۆنتڕۆڵی بارودۆخەكە بكرێت و نەهێڵن تەشەنە بكات.
لەگەڵ ئەوەیش دەبێ هەموو لایەك بزانن لە هەرێمی كوردستاندا تەنیا دەزگەكانی حكوومەتی هەرێم بەرپرسن لە ئیدارەی هەرێم. لە هەمانكاتدا هیچ لایەنێك بۆی نییە دەست بخاتە ناو كاروباری هەرێم یان ڕێگە لە جموجۆڵی پێشمەرگە بگرێت.
د. ئومێد سەباح
گوتەبێژی فەرمیی سەرۆكایەتیی هەرێمی كوردستان
4ـی 3ـی 2017
