"کۆمپانیایەکی رووسیا گرێبەستی بۆ کڕینی نەوتی هەرێم واژۆ کردووە"
ئاژانسەکان-KDP.info- کۆمپانیایەکی دەوڵەتیی ڕووسیا گرێبەستێکی بۆ کڕینی نەوتی هەرێمی کوردستان لەگەڵ بەرپرسانی هەرێمی کوردستان واژۆ کردووە.
بەپێی هەواڵێکی ئاژانسی تاس، لە پەڕاوێزی کۆنفرانسی (ئای. پی) لە لەندەن، کۆمپانیای حکوومیی (ڕووسنەفت)ی ڕووسیا، ڕێککەوتنی کڕینی نەوتی خاوی هەرێمی کوردستانی بۆ ساڵانی ٢٠١٧ تا ٢٠١٩، لەگەڵ بەرپرسانی پێوەندیداری هەرێمی کوردستان واژۆ کردووە. بەگوێرەی نێوەرۆکی ڕێككەوتننامەکە، کۆمپانیای ڕووسنەفت لە ماوەی دیاریکراودا، نەوتی خاوی هەرێمی كوردستان دەكڕێت و، دەیگوازێتەوە بۆ پاڵاوگەكانی جیهان و، پارەکەیشی پێشوەخت بە حكوومەتی هەرێمی كوردستان دەدات.
