مەكتەبی سەرۆك، بە جیا سەرەخۆشی لە خانەوادەی بەهجەت توركە و كارۆخ مەلا عوسمان دەكات
بەڕێز خانەوادەی هەڤاڵ بەهجەت توركە
دڵگرانین بە بیستنی هەواڵی كۆچی دوایی هەڤاڵ (بەهجەت عەبدولكەریم) ناسراو بە (بەهجەت توركە) پێشمەرگەی شۆڕشی ئەیلوولی مەزن و گوڵان.
هەڤاڵ (بەهجەت توركە) یەكێك بوو لەو دڵسۆز و كوردپەروەرانەی ژیانی خۆی بۆ خەباتی ئازادی نەتەوەكەی تەرخان كرد و لە دەستدانیشی خەمێكی گەورەی بۆ ئێمە و هەڤاڵانی رێبازی پارتی و بارزانی بەجێ هێشت.
هاوخەمی و سەرەخۆشیمان ئاڕاستەی خانەوادە نیشتمانپەروەر و كوردپەورەكەی و سەرجەم خزمان و هەڤاڵانی خوالێخۆشبوو هەڤاڵ(بەهجەت توركە) دەكەین.
لە خوای گەورە داواكارین ئارامی و دڵنەوایی بە هەموو لایەك بەتایبەتی خانەوادەكەی ببەخشێ و خوالێخۆشبووی بە بەهەشتی بەرینی خۆی شاد بكات.
انا للە وانا الیە راجعون
مەكتەبی سەرۆك
************************
بەڕێز هەڤاڵ كارۆخ مەلا عوسمان
بە داخەوە هەواڵی كۆچی دوایی (سۆیبە) خانی دایكی بەڕێزتانمان پێگەیشت.
سەرەخۆشی و هاوخەمیمان ئاڕاستەی خانەوادە بەڕێز و تێكۆشەرەكەتان دەكەین.
لە خوای گەورە داواكارین ئارامی و دڵنەوایی زیاترتان پێبەخشێ و خوالێخۆشبوویش بە بەهەشتی خۆی شاد بكات.
انا للە وانا الیە راجعون
مەكتەبی سەرۆك
