ئێمینكی: كوردستان تی ڤی، سەركەوتووانە ئەركی نشتیمانی و نەتەوەیی خۆی ئەنجام داوە
هه‌ولێر-KDP.info- جێگری سەرۆكی پەرلەمان ساڵیادی دامەزراندنی تەلەڤزیۆنی كوردستان پیرۆز دەكات و رایده‌گه‌یه‌نێ، كوردستان تی ڤی، سەركەوتووانە ئەركی نشتیمانی و نەتەوەیی خۆی لەم كاتە هەستیارەدا ئەنجام داوە.
ده‌قی پیرۆزبایی جێگری سه‌رۆكی په‌رله‌مانی كوردستان:
بەڕێزان بەڕێوەبەری گشتی و كادر و تەواوی كارمەندانی كەناڵی ئاسمانیی كوردستان تی ڤی
بەبۆنەی "18" مین ساڵیادی دامەزراندنی كەناڵەكەتانەوە، گەرمترین پیرۆزباییتان ئاراستەدەكەین و هیوای سەركەوتنتان بۆ دەخوازین لە ئەركە پیرۆزەكەتان بۆ گەیاندنی پەیامی راستەقینەی گەلی كوردستان و بەرگریكردن لە ماف و ئامانجەكانی میللەتەكەمان.
كەناڵی ئاسمانی كوردستان بە خاوەن ئەزموونێكی دەوڵەمەندی كاری راگەیاندن لە كوردستان دەناسرێت و سەركەوتووانە ئەركی نشتیمانی و نەتەوەیی خۆی لەم كاتە هەستیارەدا ئەنجامیداوە و ڕۆڵێكی گرنگی هەبووە لە برەودان و پاراستنی گیانی یەكڕیزی و تەبایی گەلی كوردستان و ماندووبوون و دڵسۆزی ستافی كاركردن لەم كەناڵە خۆشەویستەدا بەرچاو وئاشكرایە.
دووبارە پیرۆزباییتان لێدەكەین و ئاواتەخوازین ساڵ لە دوای ساڵ لە پێشكەوتن و گەشەسەندن و سەركەوتندا بن لەپێناو پێكەوە خزمەتكردنی بەرژەوەندە باڵاكانی گەلی كوردستان.
دكتۆر جەعفەر ئیبراهیم ئێمینكی
جێگری سەرۆكی پەرلەمانی كوردستان
16/1/2017
