مه‌کته‌بی سه‌رۆک سه‌ره‌خۆشی له خانه‌واده‌ی زوڵێخا عه‌بدوڵڵا عه‌بدولڕه‌حمان ده‌كات
به‌ڕێزان خانه‌واده‌ی (زوڵێخا عه‌بدوڵڵا عه‌بدولڕه‌حمان)..
به داخه‌وه هه‌واڵی كۆچی دوایی خاتوو(زوڵێخا عه‌بدوڵڵا عه‌بدولڕه‌حمان)مان بیست.
به‌م بۆنه‌خه‌مناكه‌وه هاوبه‌شیی خه‌ممان به خانه‌واده تێكۆشه‌ر و كوردپه‌روه‌ر و نیشتمانپه‌روه‌ره‌كه‌تان راده‌گه‌یه‌نین.
خاتوو(زوڵێخا عه‌بدوڵڵا عه‌بدولڕه‌حمان) وه‌ك ئافره‌تێكی پێشمه‌رگه، له‌شه‌ڕی دژ به تیرۆریستانی داعش، وه‌ك دایكێكی میهره‌بان نموونه‌یه‌كی دیاری ئافره‌تی كورد بوو، رۆژانه له‌به‌ره‌كانی جه‌نگ دژ به تیرۆریستانی داعش، خواردنی بۆ پێشمه‌رگه قاره‌مانی كوردستانی ئاماده ده‌كرد. به كۆچی دوایشی هه‌موومانی خه‌مبار كرد.
له خوای گه‌وره داواكارین، ئارامی و دڵنه‌وایی به كه‌سوكار و پێشمه‌رگه قه‌ره‌مانه‌كانی كوردستان ببه‌خشێ و خوالێخۆشبوویش به‌ر ره‌حمه‌تی خۆی بخات و به به‌هه‌شتی به‌رینی شاد بكات.
انا لله وانا الیه راجعون
مه‌كته‌بی سه‌رۆك
