نێچیرڤان بارزانی جەژنا ڕۆژی یێن ئێزدی پیرۆز دكەت
هەولێر-KDP.info- د پەیامەكێدا (نێچیرڤان بارزانی) سەرۆكوەزیرێ هەرێما كوردستانێ جەژنا ڕۆژی یێن ئێزدی یا خوشك و برایێن ئێزدی پیرۆز كر، ئەڤ تەكستا وێ یە:
جەژنا ڕۆژی یێن ئێزدی یا خوشك و برایێن ئێزدی ل هەموو ئێزدییان ل كوردستانێ و ل هەر جهەكێ جیهانێ بن، پیرۆز دكەم.
هیڤیدارم جەژن و هەلكەفتێن بهێن یێن خوشك و برایێن مە یێن ئێزدی، جەژنێن سەركەفتنێ و ئازادكرنا هەموو جھ و وارێن ئێزدییان و هەموو وان كەچ و خوشكێن مە یێن ئێزدی بن یێن كوهێشتا ئازاد نەبوونە، هەروەها ببنە جەژنێن ڤەگەڕیانا هەموو ئاوارەیێن ئێزدی ژبۆ سەر مال و حالێن خۆ یێن ئازاد و ئاڤەدانكری.
جەژنەكا ئارام ژبۆ هەمی ئێزدییان دخوازم، هەر سال ب خێر و خۆشی.
نێچیرڤان بارزانی
سەرۆكوەزیرێ هەرێما كوردستانێ
١٤-١٢-٢٠١٦
