نەجیبە نەجیب: ٢٢ ملیار دنیارمان بۆ ئاوەڕۆی هەڵەبجە له یاسای بودجه‌دا دیاری كرد
بەغدا-KDP.info- ئەندامی پەرلەمانی عێراق (نەجیبە نەجیب) دەڵێ، توانیویانه لە بڕگەیەکی پڕۆژەیاسای بودجەدا ٢٢ ملیار دینار بۆ ئاوەڕۆی هەڵەبجە تەرخان بکەن و ئێستایش کە بودجە پەسەند کراوە، دەبێ حکوومەت ئەو بڕەپارەیە خەرج بکات.
(نەجیبە نەجیب) بە ماڵپەڕی فەرمیی پارتی دیموکراتی کوردستانی گوت، ''لەو قەرزەی کە عێراق لە دەوڵەتی ژاپۆن کردوویه‌تی و بەشێکی بۆ پڕۆژەی ئاوەڕۆی هەولێر خەرج کراوە، بڕی ٢٢ ملیار دینار مابووەوە و بەغدا نیازی هەبوو کە بیگەڕێنێتەوە، بەڵام ئێمە توانیمان ئەو بڕەپارەیە بخەینە نێو پڕۆژەیاسای بودجەوه و بۆ پارێزگای هەڵەبجەی تەرخان بکەین؛ ئێستایش کە بودجە پەسند کراوە، لە بڕگەیەکدا باسی ئەو پارەیە هەیە و دەبێ حکوومەتی عێراق پابەندی خەرجکردنی بێ.''
دەشڵێ، بڕی پارەکە بۆ ئاوەڕۆی هەڵەبجە خەرج دەکرێ.
بڵند ئیبراھیم
