لەم حەفتەیەدا بڕیار لە چارەنووسی خوێندن لە سلێمانیدا دەدرێت
هەولێر-KDP.info- نوێنەرێکی خەڵک لە پەرلەمانی کوردستاندا دەڵێ، وەزارەتی پەروەردە لەم حەفتەیەدا بڕیار لە چارەنووسی خوێندن لە سلێمانیدا دەدات. دەشڵێ، دەستەڵاتی سلێمانی و ئەوانەیشی کە پرۆسەی خوێندنیان کردووە بە سیاسی و لە دواکەوتنی پرۆسەی خوێندندا بەرپرسن.
(مەردان خدر) ئەندامی پەرلەمانی کوردستان لە لیژنەی پەروەردە بە ماڵپەڕی فەرمیی پارتی دیموکراتی کوردستانی گوت، ئەوەی لە سلێمانیدا پێوەست بە پرۆسەی خوێندن دەگوزەرێ کارەساتە و دەستەڵاتی سلێمانی خۆیان بەرپرسن لە دواکەوتنی پرۆسەی خوێندن؛ ئەوانەیش کە پرۆسەی خوێندنیان بە سیاسی کردووە و خۆیان خستووەتە پشت خۆپیشاندان بۆ موزایەدەی سیاسی، بەرپرسن لە دواکەوتنی پرۆسەی خوێندن.
دەشڵێ، وەزارەتی پەروەردە لەم حەفتەیەدا بڕیار لە چارەنووسی پرۆسەی خوێندن لە سلێمانی و دەڤەرەکەدا دەدات.
کارزان سەباح هەورامی
