دەزگای بارزانی هاوكاریی 2507 خێزانەئاوارەی مووسڵی كرد.. هاوكاریكاریی 20 بەشەناوخۆییش كرا
دیبەگە-KDP.info- دەزگای بارزانی، بە هاوكاری ژمارەیەك رێكخراو، لە كەمپەكانی دیبەگە ژەمەخۆراكی گەرم و پێداویستیی ناوماڵ و پارسێلی خۆراكی پێشكەش بە 2507 خێزان و 560 كەسی ئاوارەی مووسڵ و ناوچەكانی دەوروبەری كرد، لە ئامێدییش هاوكاریكاریی 20 بەشەناوخۆیی كرا.
لە درێژەی دابەشكردنی كۆمەك و هاوكاری و پێداویستییەكان بەسەر پەنابەر و ئاوارەكان لە هەرێمی كوردستان، لە هەڵمەتێكدا دەزگای خێرخوازیی بارزانی بە هەماهەنگی لە كەمپی دیبەگە پەناگە و پێداویستییە سەرەكییەكانی ژیان و پێدانی دووژەمە ژەمەخۆراكی گەرم بەسەر ئاوارەی تازە هەڵهاتووی ژێر دەستی داعشدا دابەش كرد.
لە لایەكی دیكە و لە هەڵمەتێكی تردا دەزگای خێرخوازیی بارزانی و هەردوو رێكخراوی UNHCRو NRCبۆ وەرزی زستان سەتڵ و ئاو و پێداویستیی پاككەرەوە و خواردنی لەقوتوودراو و پێداویستیی ئافرەتان و بەتانی و دۆشەك و سێت مەتبەخ و نەوتی سپی دابەشی سەر 1569 خێزان و 160 كەسدا كرد.
هەروەها دەزگای خێرخوازیی بارزانی بە هاوبەشی لەگەڵ وەزارەتی كۆچ و كۆچبەرانی عێراق و سبل السلام و HPJبرنج و سریلاك و جلوبەرگ و ئارد و خاولییان بەسەر 938 خێزان و 400 منداڵی كەمپەكانی دیبەگەدا دابەش كرد.
لە لایەكی دیكەوە، لە درێژەی دابەشكردنی كۆمەك و هاوكاری بەسەر ئەو هاووڵاتیانەی پێویستییان بە دەستی هاوكاری هەیە، دەزگای خێرخوازیی بارزانی لە شارۆچكەی ئامێدی هەڵمەتی خێرخوازیی بەڕێوە دەبات، كە تایبەت بوو بە سەرجەم قوتابیانی 20 بەشەناوخۆییەكانی زانكۆی ئامێدی و پەیمانگای تەكنیكیی ئەو شارە و پارسێلی خۆراكیان بەسەر 450 پارسێلی خۆراك بەسەر 140 قوتابی لە قۆناغی زانكۆ و پەیمانگادا دابەش كرد كە هەر قوتابییەك بڕی 30 كیلۆگرام خۆراكی وشكی پێ درا.
شایانی باسە، ساڵانە لەگەڵ دەستپێكردنی پرۆسەی خوێندن، دەزگای خێرخوازیی بارزانی هەڵدەستێت بە دابینكردنی خۆراك و پێداویستییە سەرەتاییەكان بۆ ئەو بەشەناوخۆییانەی كە پێویستییەكی زۆریان بە هاوكارییە.
