دووپات له دابینكردنی زیاتری پێداویستییه سه‌ربازییه‌كانی هێزی پێشمه‌رگه كرایه‌وه
هەولێر-KDP.info- راوێژکاری ئەنجوومەنی ئاسایشی هەرێمی کوردستان لە پێشوازی فه‌رمانده‌ی هێزه هاوبه‌شه‌كانی شه‌ڕی دژ به داعشدا رایگەیاند: نابێت گرووپه چه‌كداره‌كانی ده‌ره‌وه‌ی دامه‌زراوه ره‌سمییه‌كانی سه‌ربازیی عێراق رۆڵیان له ئۆپه‌راسیۆنه‌كه و قۆناغی دواتردا هه‌بێت..هەر لە دیدارکەیشدا دووپات له دابینكردنی زیاتری پێداویستییه سه‌ربازییه‌كانی هێزی پێشمه‌رگه كرایه‌وه.
ئه‌مڕۆ 10/11/2016 (مه‌سروور بارزانی) راوێژكاری ئه‌نجوومه‌نی ئاسایشی هه‌رێمی كوردستان پێشوازی له جه‌نه‌ڕاڵ (ستیفن تاونسێند) فه‌رمانده‌ی هێزه هاوبه‌شه‌كانی شه‌ڕی دژ به داعش كرد.'
له‌دیدارێكدا شه‌ڕی تیرۆریستانی داعش و په‌ره‌سه‌ندنه سه‌ربازیییه‌كان له ناوچه‌كه تاوتوكرا و تیشكخرایه سه‌ر پێشڕه‌وی و كاریگه‌ری هه‌ماهه‌نگی نێوان هێزه‌كانی پێشمه‌رگه و سوپای عێراق له ئۆپه‌راسیۆنی رزگاركردنی مووسڵ، له‌وباره‌وه مه‌سرور بارزانی ئاماژه‌ی به‌وه‌دا، نابێت گرووپه چه‌كداره‌كانی ده‌ره‌وه‌ی دامه‌زراوه ره‌سمییه‌كانی سه‌ربازیی عێراق رۆڵیان له ئۆپه‌راسیۆنه‌كه و قۆناغی دواتردا هه‌بێت و دووپات له دابینكردنی زیاتری پێداویستییه سه‌ربازییه‌كانی هێزی پێشمه‌رگه كرایه‌وه.
