داعش لە بەرانبەر پێشمەرگەدا ددانی بە شکست نا
__2016_11_08_h17m19s44__HK.jpg)
مووسڵ-KDP.info- سەرچاوەیەکی ئاگادار لە شاری مووسڵ ئاشکرای کرد، کە ئەمڕۆ والیەکی داعش لە مووسڵ خۆی و خێزانەکەی ڕایان‌کردووە و داعشیش بەدوایان دەگەرێت..ھەر ئەمڕۆیش داعش لەرادیۆیی خۆیان ددانیان بە شکەست داناوە لە باشیک.
سەعید مەموزینی بەرپرسی ڕاگەیاندنی لقی چواردەی پارتیی دیموکراتی کوردستان بە ماڵپەڕی فەرمیی پارتیی دیموکراتی کوردستانی ڕاگەیاند: "ئەبوزەھرا یەکێکە لە والیەکانی داعش لە مووسڵ لە چەپی مووسڵ کە تورکمان و خەڵکی کەرکووکە و خۆی ژن و منداڵەکانی ئەمڕۆ بەرەو شوێنێکی نادیار ڕایان‌کردووە و داعشیش بە دوایاندا دەگەڕێت."
سەعید مەموزینی گوتیشی، داعش ددانی بەوە داناوە کە لە باشیک شکەستیان ھێناوە و ژمارەیەکی زۆریشیان لێ کوژراوە، ئەمەش لە ڕادیۆیی خۆیان باسیان کردووە.
گوتیشی، بەپێی دوایین ئامار لەشەری باشیکدا زیاتر لە ٨٠ تیرۆریستی داعش کوژراون.
بڵند ئیبراھیم
