دەشتی نەینەوا نیوە زیاتری لێ ئازاد کراوە
مووسڵ-KDP.info- ئەنجوومەنی پارێزگای مووسڵ ئاشکرای کرد تا ئێستا سەدا٥٠ زیاتری خاکی دەشتی نەینەوا لەسەر دەستی پێشمەرگە و سوپای عێراق ئازاد کراوە.
سەیدۆ چەتۆ سەرۆکی لیستی برایەتی‌وپێکەوەژیان لە ئەنجومەنی پارێزگای مووسڵ بە ماڵپەڕی فەرمیی پارتی دیموکراتی کوردستانی ڕاگەیاند: "ھێزی پێشمەرگە و سوپای عێراق ناوچەکانی بەرتلە و تلسقۆف و حەمدانیە و باشیک و گوندەکانی سەر بەو ناوچانەیان ئازاد کردووە و، ئێستا هەر تلکێف ماوە ئازاد بکرێت و، دوایی بەرەو گەڕەکی عەرەبیە پێشڕەوی دەکرێت."
سەیدۆ چەتۆ گوتیشی: "سەدا٥٠ زیاتری خاکی دەستی نەینەوا لەسەر دەستی ھێزی پێشمەرگە و سوپای عێراق ئازاد کراوە."
بڵند ئیبراھیم
