بە تەواوبوونی ئۆپەراسیۆنی باشیك، ئەركی پێشمەرگە لە هێرشكردن تەواو دەبێت
مووسڵ-KDP.info- ئەندامێكی لیژنەی ئاساییش و بەرگری لە ئەنجوومەنی نوێنەرانی عێراق دەڵێ، بەپێی ئەو بەرنامەیەی بۆ پرۆسەی رزگاركردنی مووسڵ دانراوە، دوای تەواوبوونی ئۆپەراسیۆنی باشیك و ناوەران، ئەركی پێشمەرگە تەواو دەبێ لە پێشڕەویكردن.
(شاخەوان عەبدوڵڵا)، بە ماڵپەری فەرمیی پارتی دیموكراتی كوردستانی راگەیاند: "هێزی پێشمەرگە بەپێی ئەو بەرنامەیەی بۆ پرۆسەی رزگاركردنی مووسڵ دانراوە، لە مەخموور و گوێڕ و خازر كاری خۆی تەواو كردووە و هیچی تر لەو شوێنانە پێشڕەوی ناكات و لەمەودوا ئەمە ئەركی سوپای عێراقە".
(عەبدوڵڵا) گوتیشی، تەنیا لە میحوەری باشیك و ناوەران هەندێك شوێن ماون ئازاد بكرێن، بە ئازادكردنی ئەو شوێنانەیش ئەركی پێشمەرگە تەواو دەبێت و پێشڕەوی ناكات.
بڵند ئیبراهیم
