شاندی باڵای هه‌رێم و هاوپەیمانیی نیشتمانیی عێراقی كۆ بوونه‌وه
بەغدا-KDP.info- سه‌رۆكى هه‌رێمى كوردستان مه‌سعوود بارزانى كه سه‌رۆكایه‌تیى شاندى باڵاى هه‌رێم ده‌كات، له‌گه‌ڵ شاندی هاوپەیمانیی نیشتمانیی عێراقی به سه‌رۆكایه‌تیی سه‌ید عه‌ممار ئه‌لحه‌كیم كۆ بوونه‌وه.
ئێوارەی ئه‌مڕۆ پێنجشەممە 29-9-2016، شاندی باڵای هەرێمی کوردستان بە سەرۆکایەتیی مەسعوود بارزانی سەرۆکی هەرێمی کوردستان، گەیشتنە بارەگای هاوپەیمانیی نیشتمانیی عێراقی و لەلایەن سه‌ید عەممار ئه‌لحەکیمه‌وه پێشوازییان لێ کرا.
له پێشوازیى شاندی باڵای هه‌رێمی كوردستاندا، هه‌ریه‌ك له سه‌ید عه‌ممار ئه‌لحه‌كیم سه‌رۆكى هاوپه‌یمانییه‌كه و ژماره‌یه‌ك له به‌رپرسانى باڵا ئاماده بوون.
